Diâp hlá mơ-éa pơcháu hnoăng cheăng ăm mâu kăn teăng mâ, pôa Tô Lâm, Kăn xiâm pơkuâ hnê ngăn vêh mơnhên, mâu pú ki châ pơcháu hnoăng cheăng roh kố pơrá cho mâu ngế ki tơpui kâ rơkê, ai hên tơdroăng cheăng tung tơrŭm tơpui kâ ƀă kong têa vâi ê.

Maluâ tung pơla lâp plâi tơnêi, kơpong ối trâm hên xahpá, pơloăng mơnúa la mâu kăn teăng mâ vêh mơnhên tối tơdroăng ki tơ’lêi hlâu mê cho tơnêi têa dế mot tung chal nếo, cho chal ki mơnhông dêi hdroâng mơngế; drêng tơdah xo hnoăng cheăng nếo pôu râng tung hiâm mơno, hiâm tuăn hâk mơnâ ƀă tơdroăng ki khên vâ mơnhông tơnêi têa, vêh mơnhên kô rak vế, pêi pro tiô troăng pơlâ ki pro pơxúa ăm tơnêi têa, hdroâng mơngế cho ki má môi; tơdjêp ƀă 3 troăng hơlâ xiâm tung tơrŭm tơpui kâ hnoăng cheăng dêi Đảng, Tơnêi têa ƀă kuăn pơlê; tơdjêp ƀă tơdroăng tơrŭm tơpui kâ ƀă khu lêng, kring vế tơniăn; mơjiâng kơ koan teăng mâ krá kâk, rak vế dêi tuăn hiâm, vâ rêm ngế kăn ƀô̆, malối cho kăn teăng mâ tơxâng cho hdroâng mơngế, Đảng, Tơnêi têa, kuăn pơlê Việt Nam.