VOV4.Xơ Đăng - Hâi lơ 17/2, a Hà Nội, Khu xiâm ngăn Kŏng an tơkŭm po Rôh hôp Tơpui Tôh pêi cheăng dêi Chin phuh pêi pro tơdroăng pơkâ “Mơnhông xúa hlá mơ-éa ‘na kuăn pơlê, tíu rêh ối ƀă mơnhên ‘na hlá mơ-éa điê̆n tưh kum ăm tơdroăng ki hơ’lêh kơxô̆ tơnêi têa hneăng hơnăm 2022 – 2022, troăng ngăn troh hơnăm 2030” (khĕn cho Tơdroăng pơkâ 06/CP). Đăi tươ̆ng Tô Lâm, ngế xiâm ngăn Kŏng an pơkuâ po rôh hôp, tơpui a rôh po hôp, pôa hiăng pơkâ thế mâu vâi pú tung Tôh pêi cheăng séa ngăn tơdroăng ki pêi pro pơkâ vâ séa ngăn kơtăng, hnê mơhno nhên, khŏm mơ-eăm pêi klêi mâu tơdroăng pơkâ ki kal tro tiô tơdroăng pơkâ mơ’no.

Pôa Tô Lâm pơkâ thế mâu ngế cheăng tung Tôh pêi cheăng ối tung Ƀơrô cheăng Chin phuh pơtối hnê mơhno kơtăng mâu khu xiâm, kơvâ cheăng, kong pơlê mơjiâng Túa pơkâ tơbleăng tơdroăng ƀă mơjiâng tôh pêi cheăng tơdroăng tơkêa tiô hnê mơhno dêi pôa Vũ Đức Đam, Ngế pro xiâm phŏ hnê ngăn tơnêi têa.

Katarina Nga tơplôu ƀă tơbleăng