Kơxo lơ 17/9, a Hô̆i trương Hngêi trung Chính trị Pơlê kong kân Đà Nẵng hiăng po Hneăng hôp khu kăn Đảng ƀô̆ Pơlê kong kân Đà Nẵng rôh má I, hơnăm 2025 – 2030. Tơpui hnê mơhno a Hneăng hôp, pôa Trần Cẩm Tú, Kăn pơkuâ ngăn Đảng tối nhên: Hneăng hôp mâu kăn rôh má môi Đảng ƀô̆ Pơlê kong kân Đà Nẵng hiăng tối mâu tơdroăng pơkâ pêi: hnoăng cheăng pơla hơnăm 2025-2030 hiăng chía tŭm tung mâu kơvâ cheăng: cheăng kâ, túa lĕm tro, rêh ối pơlê pơla, kong prâi, cheăng lêng, gâk kring ƀă cheăng mơjiâng Đảng.

Pôa Trần Cẩm Tú pơkâ thế pơlê kong kân tơkŭm mơjiâng Đảng ƀă khu pơkuâ cheăng kal kí krúa, rơdêi; mơjiâng mâu kăn ƀô̆, malối cho ngế ki ối a ko rêm râ ai tŭm tơdroăng ki lĕm, ivá pêi cheăng, tơdroăng kuăn pơlê loi, khên tơmiât khên pêi, khên pơhlêh nếo, khên mơnhông tơƀrê xua ki pơxúa tơdjuôm.

A rôh po Hneăng hôp Đảng ƀô̆ Pơlê kong kân Đà Nẵng rôh má I, hơnăm 2025-2030 hiăng tơbleăng pơkâ dêi Tơnêi têa ‘na tơdroăng hnê mơhno Khu hnê mơhno Đảng ƀô̆ Pơlê kong kân Đà Nẵng hneăng nếo ai 75 ngế cheăng.