A rôh tơdah, Ngế pro xiâm phŏ hnê ngăn tơnêi têa tối rơdêi, Việt Nam ngăn Mih cho kong têa ki kal tung la ngiâ ƀă púi vâ rơtế ƀă Mih pơtối ăm tơrŭm cheăng nếo châ trâu hơngế, tơƀrê, ai pơxúa tung tơdroăng ki ngăn nhuô̆m tơniăn krê, pơkuâ, tŭm têk tơnêi tơnêi tơníu, troăng hơlâ kal kí dêi dêi rơpó, pro pơxúa ăm kuăn pơlê péa tơnêi têa ƀă veăng gum ăm hơniâp lĕm, tơniăn, tơrŭm cheăng, mơnhông a kơpong ƀă a kong têa ê.

Ngế pro xiâm phŏ hnê ngăn tơnêi têa púi vâ Mih pơtối tơmâng ngăn ƀă thăm mơdêk kơxô̆ liăn tŏng gum Việt Nam, pơhlêh on tơhrik, pơhlêh ngiât, hbrâ ví ƀă kong prâi pro pơhlêh, rak vế kuăn kiâ kong ki chiâng xêh. Péa pâ tơpui tơno ‘na mâu tơdroăng a kong têa ê ƀă tung kơpong ki péa pâ rơtế vâ ‘nâi, tơdrêng amê hlối môi tuăn tơdroăng ki kơ koan tơdjâk troh dêi péa tơnêi têa tơrŭm krá tơniăn vâ hbrâ ăm mâu tơdroăng cheăng tơbâ 30 hơnăm mơjiâng tơrŭm cheăng tơpui kâ Việt Nam - Mih a hơnăm 2025.