Tiô tơbleăng, kong mêi khía mơhot hiăng pro 3 ngế hlâ, 10 ngế tro rong; lối 6.800 toăng hngêi tơtêa kuâ, tơ’nhê; kong mêi têa kân lân lu 28.814 hectar báu ƀă 2.221 hectar prá alâi. Phŏ Ngế pro xiâm hnê ngăn tơnêi têa mơnhên tơdroăng ki veăng kơtăng, teăm tơdrêng dêi Nghệ An, Thanh Hóa, Hà Tĩnh, tơdrêng amê pơkâ thế Thanh Hóa, Hà Tĩnh, Quảng Trị ƀă Thừa Thiên Huế vêh mơnhên ivá hbrâ, ki má lối cho kơ‘noăng kâng tât têa lân vâ mơdêk tơdroăng ki hbrâ hdrối kong prâi pro ôh tá tơniăn.

‘Na rơnêu kế tơmeăm khoăng xua kong prâi pro, Phŏ Ngế pro xiâm hnê ngăn tơnêi têa pơkâ pơtối mơhnhôk khu lêng, kŏng an tŏng gum kuăn pơlê, kơjo hngêi trung hriâm, hngêi pơkeăng pơlât, rơpŏng kơtiê ƀă rơpŏng ai hnoăng tơnêi têa. Pôa tối rơdêi kal rĕng  rơnêu tơmeăm vâ hnê hriâm, rak ngăn ivá, tơniăn tơdroăng rêh ối kuăn pơlê klêi kơ’nâi kong mêi khía mơhot.