Kăn xiâm hnê ngăn Kuô̆k hô̆i khĕn kơdeăn, mâu hơnăm hdrối nah, Đại học Cần Thơ hiăng tơmâng khât troh tơdroăng hnê hriâm dêi mâu thái cô, ai kơxô̆ thái cô ối má môi tung mâu hngêi trung đăi hok. Pakĭng mê tối pơchân, Đại học Cần Thơ ôh tá xê to mơnhông khu kăn ƀô̆, thái cô ki hnê ăm tơná mê kal mơnhông rế hên mâu ngế vâ  hnê ăm mâu hngêi trung đăi hok ki ê tung kơpong; tơdroăng hnê mơngế vâ pro thái cô hlối tơmâng hnê mơngế vâ pêi cheăng vâ mơnhông dêi kơpong, la xuân thế riân tơmiêt nhên hdrối tá tơdroăng hnê mâu ngế pro thái cô ki vâ hnê tung tơdroăng pơhlêh nếo tơdroăng hnê hriâm; pê klêi tơdroăng pơkâ tung khu pơkuâ cheăng, tơmâng mơjiâng luât vâ mâu khu cheăng khoa hok mơhno  rơkong tơpui ‘na ki rơkê dêi tơná, pro xiâm rơhêng vâ ăm mâu khu cheăng khoa hok.

Đại học Cần Thơ hnê mâu nâl Khmer, Lếo ăm mâu kăn ƀô̆, mâu kăn pơkuâ cheăng a rêm kơ koan a Tơbăng kroăng Cửu Long; mơdêk kơvâ khoa hok kih thuât xúa tung pêi chiâk deăng vâ mơnhông pêi chiâk deăng, mơjiâng pro kế tơmeăm tê ăm kong têa ê.