Tơpui tơno ƀă mâu kăn ƀô̆, kong chưk pêi cheăng a Tíu pêi cheăng, Kăn xiâm hnê ngăn Kuô̆k hô̆i tối nhên, troăng hơlâ dêi Tơnêi têa drêng klâ xoăng mâu tíu pêi cheăng râ kong pơlê, râ cheăm, pêi pro túa cheăng kăn pơkuâ kong pơlê 2 râ cho vâ achê kuăn pơlê, hmâ ƀă kuăn pơlê, pơkâ tơleăng chêh pro mơ-éa rĕng tâ, tơ’lêi tâ, ing mê, kuăn pơlê hâk vâ, loi a Đảng, Tơnêi têa rak ngăn tŏng gum kuăn pơlê.

Pêi cheăng ƀă kăn pơkuâ Pơlê kong kân Cần Thơ klêi kơ’nâi lăm ngăn, pôa Trần Thanh Mẫn tối, ‘na xoăng xúa tơmeăm tơdjuôm, Pơlê kong kân chiâng vâ pêi pro xing xoăng tíu pêi cheăng ăm hên kơ koan, tôh tơrŭm, tíu pêi cheăng xúa tơdrêng amê, môi kơ koan chiâng vâ xoăng rak vế pêi cheăng a hên tíu tung hneăng apoăng klâ xoăng tíu pêi cheăng ‘mot tơkŭm vâ kơdroh iâ ki xơpá prôk lăm, pêi cheăng dêi kăn ƀô̆, kong chưk, viên chưk ƀă ngế pêi cheăng; pôi tá ăm tơdjâk, tro pơtê tơbleăng mâu pêi cheăng tơdjuôm ăm kuăn pơlê.