Pôa Trần Thanh Mẫn, Kăn xiâm hnê ngăn Kuô̆k hô̆i tối loi tơngah tiah kố, ƀă tơdroăng ki hbrâ rơnáu krâu dêi Kuô̆k hô̆i Lếo, Hneăng hôp hô̆i đong AIPA rôh má 45 kô ƀlêi chiâng tơniăn lĕm, veăng gum mơdêk hnoăng cheăng, tíu ối dêi tơnêi têa Lếo tung kơpong.

Tung tơdroăng ki trâm mâ, tơpui tơno ngăn nhuô̆m, péa ngế kăn xiâm pơkuâ tối nhên Đảng, Tơnêi têa ƀă kuăn pơlê péa tơnêi têa đi đo ngăn nhuô̆m ƀă kơjo khât tung tơdroăng rak vế ƀă ôh tá la lâi pơtê tơbêng tơrŭm cheăng ƀă tơrŭm kân, malối cho tơrŭm pơla péa tơnêi têa, péa Kuô̆k hô̆i mot trâu hngế, tơƀrê ƀă ai pơxúa. Péa ngế kăn xiâm pơkuâ hiăng môi tuăn, tơrŭm cheăng pơla Kuô̆k hô̆i péa tơnêi têa đi đo châ ‘mâi mơnhông ƀă mơdêk.