A Hngêi Kuô̆k hô̆i, klêi kơ’nâi leh tơdah péa pâ hiăng tơkŭm tơpui tơno. A roh tơpui tơno, tung tơdroăng tá hiâm mơno, tuăn pâ nhŏng o rŭm môi tuăn ki má môi, djâ troăng ahdrối, môi tuăn ƀă dêi pó troh tá ah, péa Kăn xiâm hnê ngăn Kuô̆k hô̆i xuân hiăng rơtế dêi pó tơpui tối ‘na tơdroăng mơnhông dêi rêm tơnêi têa.

A roh lăm pôu pêi cheăng kố, péa pâ hiăng Tơbleăng tơdjuôm Việt Nam – Cuba ƀă khŏm mơ-eăm mơnhông mơdêk ó rơdêi tơrŭm cheăng péa tơnêi têa to a râ a’ngêi nếo, păng ‘nâng, châ tơƀrê ƀă krá tơniăn tâ, tiô hiâm mơno rơtế prôk, rơtế tơrŭm cheăng, rơtế mơnhông mơdêk ƀă mơjiâng chuh ngiah pơlê pơla, xua pơxúa dêi kuăn pơlê, xua hơniâp lĕm, tơrŭm cheăng ƀă mơnhông a rêm kơpong ƀă lâp plâi tơnêi.

Ing hiâm mơno mê, Việt Nam ƀă Cuba kal tơrŭm krá tơniăn, pêi pro châ tơƀrê mâu troăng pêi tơrŭm pêi chiâk deăng, mơ’no liăn cheăng, mâu tơkêa ƀă môi tuăn khu râ kăn xiâm.