Kơxo lơ 22/9, Đảng ƀô̆ kong pơlê Khánh Hòa pơxiâm po Hneăng hôp Khu kăn rôh má môi, hơnăm 2025 – 2030, ƀă tơdroăng ki veăng ai mâ dêi pôa Trần Thanh Mẫn, Kăn xiâm hnê ngăn Kuô̆k hô̆i rơtế ƀă mâu khu xiâm, kơvâ cheăng ƀă 396 ngế kăn. Tơpui hnê mơhno, Kăn xiâm hnê ngăn Kuô̆k hô̆i khĕn kơdeăn mâu pêi pro ƀlêi chiâng dêi kong pơlê Khánh Hòa tung 5 hơnăm hdrối ƀă tối nhên Hneăng hôp cho tơdroăng kal kí ki kal, po ăm hneăng mơnhông nếo.

Pôa Trần Thanh Mẫn, Kăn xiâm hnê ngăn Kuô̆k hô̆i tối 6 hnoăng cheăng ki kân, tung mê pơkâ tơdroăng ki kal mơjiâng Đảng, khu pơkuâ tơdroăng kal kí krúa, rơdêi ƀă hnoăng cheăng kăn ƀô̆ “ki xiâm dêi tơdroăng ki xiâm”. Khánh Hòa kal mơnhông ki pơxúa ai kĭng têa kơxĭ xŏn vâ chê 500km, hên kung king ƀă chuăn, malối cho chuăn Trường Sa, vâ mơnhông cheăng kâ a têa kơxĭ, kơmăi kơmok on tơhrik, uâ pơliê, kơmăi kơmok rơxông nếo, logistics ƀă ôm hyô troh a kong têa ê, tối nhên tíu ối nếo tung pơhlêh nếo ƀă mot tơrŭm.