Kơxo lơ 18/4, pôa Võ Văn Thưởng, Kăn xiâm hnê ngăn tơnêi têa diâp Pơkâ pôk pôa Phạm Quang Hiệu, ngế xiâm phŏ tơpui kâ, Kăn pơkuâ Vi ƀan Tơnêi têa ‘na mơngế Việt Nam a kong têa ê pro Kăn teăng mâ pơkuâ tâi tâng kơvâ cheăng tơnêi têa Kŏng hòa xah hô̆i chuh nghiah Việt Nam a Nhuk, hlối cho Kŏng hòa Chuăn Marshall hneăng hơnăm 2023 – 2026.

Tơpui a rôh leh, Kăn teăng mâ cho pôa Phạm Quang Hiệu tơhrâ tung hneăng pêi cheăng dêi tơná kô mơ-eăm kum tơbêng tơrŭm cheăng pơla péa tơnêi têa mơnhông rơdêi: mơdêk tơdroăng ki pơtroh mâu kăn, pro tơ’lêi hlâu kum kuăn pơlê ƀă khu mơdró kâ péa tơnêi têa, kum mơdêk tơpui ‘na cheăng kâ. Kăn teăng mâ kô rơtế ƀă mâu kăn ƀô̆, mâu ngế cheăng teăng mâ mơdêk kơvâ tơrŭm cheăng mơnhông, ‘no liăn bro hngêi trăng, troăng klông, mơjiâng kơmăi kơmok rơxông nếo, mơdêk tơdroăng ki hơ’lêh kơxô̆, hơ’lêh ngiât; mơdêk trâm mâ kuăn pơlê, tơrŭm cheăng pơla mâu kong pơlê péa tơnêi têa; mơdêk hnoăng cheăng hriăn ngăn tí tăng ‘nâi plĕng, mơjiâng Đảng, ‘mâi mơnhông khu kăn tơrŭm tung tơnêi têa vâ pêi klêi tro hnoăng cheăng ki châ pơcháu.