Tiô tơdroăng tối hdrối, a Roh hôp kố, ‘na tơdroăng mơjiâng luât, Vi ƀan pơkuâ Kuô̆k hô̆i kô séa ngăn, tơpui tơno ‘na tơdroăng tiâ tối, tơmâng xo, ‘mâi rơnêu: mơ-éa chêh hdrối Luât Tơdroăng ki thâ; mơ-éa chêh hdrối Luât djâ mơngế kong têa ê ki pro xôi ăm kong têa vâi tơleăng tiô tơkêa, Luât pơcháu ngế dế kroăng phâk, Luât tŏng gum ‘na luât ‘na xivil, Luât tŏng gum ‘na luât ‘na tơdroăng xôi kân; mơ-éa chêh hdrối Luât ‘mâi rơnêu, tơ’nôm mâu troăng dêi Luât pêi cheăng séa ngăn dêi Kuô̆k hô̆i ƀă Hô̆i đong kuăn pơlê.

Tơdrêng amê, Vi ƀan pơkuâ Kuô̆k hô̆i kô tơpui ‘na mơ-éa chêh hdrối Luât pêi pro rup pơtân, kroăng pơtân ƀă mơdât lo ing tíu ối; mơ-éa chêh hdrối Luât pêi pro ƀă mơngế xôi kân (‘mâi rơnêu); mơ-éa chêh hdrối luât ngế xôi xivil (‘mâi rơnêu); mơ-éa chêh hdrối Luât ‘mâi rơnêu; mơ-éa chêh hdrối Luât Hnê cheăng pêi (‘mâi rơnêu); mơ-éa chêh hdrối Luât hbrâ, mơdât ma tŭi (‘mâi rơnêu); troăng pơkâ pêi, troăng hơlâ ki phá tơ-ê mơ’no liăn cheăng mơjiâng Tơraih tơƀai lâp plâi tơnêi Gia Bình.