Kố cho mâu tơdroăng tơkêa bro ối tung kơvâ troăng prôk, hngêi pơkeăng khăm pơlât, hnê hriâm, kong viên – tíu xối tơbâ ƀă mâu kế tơmeăm xúa tơdjuôm ki kal. Mâu kế tơmeăm kố châ pơxiâm pro ƀă hiăng pro klêi ôh ti xê mơdêk ki rơkê plĕng tung rêh ối ăm kuăn pơlê mê ối veăng gum pêi pro klêi hngêi trăng kih thuât, pro ivá tơ’mot ‘no liăn cheăng ƀă mơnhông krá tơniăn ton ăm kơpong tung mâu hơnăm la ngiâ.

Leh khât châ tơkŭm po a Tíu xiâm po kơchơ Mơđah tơbleăng Tơnêi têa (cheăm Đông Anh, Hà Nội), tơdrêng amê hlối tơdjêp ‘no tơdrêng ing um tơvi a hên tơdroăng tơkêa, kế tơmeăm pro tung lâp tơnêi têa. Rôh leh mơ’no tơdroăng ‘na khŏm mơ-eăm, pôu râng ƀă hiâm mơno môi tuăn dêi khu pơkuâ tơdroăng kal kí tung tơdroăng pêi pro pơhlêh pơkâ mơnhông, tơdjâk tơdroăng hâk tơngăm, hiâm mơno tơrŭm ƀă khŏm mơ-eăm mơjiâng môi Việt Nam rế hía rế kro mơdrŏng.

A leh hiăng pro klêi Tíu xiâm Po kơchơ Mơđah tơbleăng Tơnêi têa, pôa Tô Lâm, Kăn xiâm pơkuâ hnê ngăn cheăng Đảng prế pôa Phạm Minh Chính, Ngế pro xiâm hnê ngăn Chin phuh hiăng diâp Mê dái Pêi cheăng ối má Môi, ối má Pái ăm mâu khu pú hên hiăng ai hên ivá veăng gum tung tơdroăng mơnhông cheăng kâ rêh ối pơlê pơla dêi pơlê kong xiâm ƀă tơnêi têa. A kơpong Tây Nguyên – Nam Trung Bộ rôh kố ai 14 to tơmeăm pơxiâm pro, hiăng pro klêi 4 to tơmeăm, Lâm Đồng ai 4 tơmeăm pro.