Hâi lơ 14/11, Grup pơkuâ têa châu têa kơxăng Việt Nam (Petrolimex) ƀă Kŏng ti pêi cheăng tiô rơnó Tê mơdró VinFast tơkŭm po leh hiăng bro klêi tíu ki săk  rơxế on tơhrik ki apoăng a Dak Lak. Tíu ki săk rơxế on tơhrik châ pro a Tíu ki tê têa châu têa kơxăng kơxô̆ 63 ối tung Kŏng ti têa châu têa kơxăng Nam Tây Nguyên, a troăng 30/4, bêng Ea Tam, pơlê kong kơdrâm Ƀuôn Ma Thuột.

Kố cho tíu săk rơxế on tơhrik ki apoăng tung tíu tê têa châu têa kơxăng ối tung Grup pơkuâ têa châu têa kơxăng Việt Nam a kơpong Tây Nguyên châ pơxiâm ăm pêi cheăng. Akố ai 3 tíu ki săk rĕng, rêm to trăng ai ki têi 60kW, pêi pro  tơdroăng ki rơhêng vâ săk rơxế on tơhrik ăm tơmối. Hơnăm la ngâ, Grup pơkuâ têa châu têa kơxăng Việt Nam kô tơrŭm ƀă Kŏng ti pêi cheăng tiô rơnó Kinh doanh Thương mại dịch vụ VinFast tơbleăng krâ ‘măn 500 tíu săk rơxế on tơhrik a tíu tê têa châu têa kơxăng dêi grup pơkuâ tung lâp tơnêi têa.