Tơbâ 80 hơnăm Kăch măng Khế tơheăm ƀlêi trâng mâu kơvâ cheăng a Nhuk
Thứ ba, 05:00, 26/08/2025
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Tơmiât troh leh Mơjiâng tơnêi têa lơ 2/9, hâi lơ 25/8, a Tokyo, Kăn teăng mâ Việt Nam a Nhuk tơkŭm po Leh mitting tơbâ 80 hơnăm Kăch măng Khế Tơheăm ƀlêi trâng ƀă 80 hơnăm mơjiâng mâu kơvâ cheăng tơpui kâ, Liăn ngân, hnoăng cheăng dêi mâu kăn ƀô̆ ƀă Hnê hriâm.
Tơpui a rôh leh, Kăn teăng mâ Việt Nam a Nhuk Phạm Quang Hiệu tối nhên tơdroăng veăng gum kân dêi mâu khu xiâm kơvâ cheăng ƀă ki kal dêi tơdroăng cheăng tơrŭm pơla Tơpui kâ mâu kơvâ cheăng ki ê tung tơdroăng mơnhông tơnêi têa.
A rôh leh, teăng mâ mâu khu xiâm kơvâ cheăng tơhrâ kô pơtối mơ-eăm, tơrŭm krá tơniăn ƀă mâu kơ koan teăng mâ tơpui kâ akố, pêi pro tơƀrê hnoăng cheăng kal kí dêi rêm kơ koan, veăng gum ăm tơdroăng mơnhông dêi Việt Nam, Nhuk ƀă tơrŭm cheăng péa tơnêi têa.
Tiô châ ‘nâi, Kăn teăng mâ Việt Nam a Nhuk kô pơtối tơkŭm po hên tơdroăng cheăng pêi pro ăm mâu kong têa tơrŭm cheăng Nhuk, kăn pơlê Việt Nam a Nhuk, tơmiât troh 80 hơnăm Kăch măng Khế Tơheăm ƀlêi trâng ƀă leh mơjiâng tơnêi têa lơ 2/9.
Viết bình luận