Tơpui a rôh po hôp, pôa Nguyễn Văn Thể, Kăn pơkuâ ngăn Đảng ủy Khô̆i ăm ‘nâi, tơdroăng pêi pro túa tơbleăng mâu ngế cheăng pơtối Ngế cheăng tung Tíu xiâm Đảng cho hnoăng cheăng ai pơxúa kal khât, veăng kum mơjiâng khu kăn ƀô̆ râ xiâm tung la ngiâ dêi Đảng.

Tối nhên mâu tơdroăng pơkâ tro tơbleăng túa pơkâ ăm ngế ki vâ cheăng tung tíu xiâm Đảng Tơnêi têa hneăng 14, hneăng hơnăm 2026 – 2031, Kăn pơkuâ ngăn Đảng ủy Khô̆i tối nhên, ngế ki châ tơbleăng mê athế ai hiâm mơno lĕm ‘na tơdroăng kal kí, túa rêh ối, tuăn tơmiât, đi đo djâ troăng ahdrối pêi pro kơtăng troăng hơlâ, tơdroăng pơkâ dêi Đảng ƀă Luât dêi Tơnêi têa, ai hnoăng cheăng pôu râng kơhnâ tung hnoăng cheăng pêi, hnê mơhno ƀă tơkŭm pêi pro hnoăng cheăng châ pơcháu.

A rôh hôp, mâu kăn hiăng tâ phĭu ƀă môi tuăn khât tơdroăng ki tơbleăng 1 ngế cheăng dêi Đảng ủy Khô̆i pơkâ Ngế ki vâ mot cheăng tung Tíu xiâm Đảng hneăng 14, hơnăm 2026 – 2031.