Ăm ‘nâi Việt Nam pơkâ pêi mơdêk 8,3-8,5% tung hơnăm kố ƀă 2 kơxô̆ tung hneăng la ngiâ, pôa Phạm Minh Chính, Ngế pro xiâm hnê ngăn Chin phuh pơkâ thế mâu khu mơdró kâ tí tăng mâu tơnêi tơníu ki ối kân rơdâ dêi tơrŭm cheăng kâ, tê mơdró, no liăn cheăng péa tơnêi têa; tŏng gum Việt Nam châ xúa mâu kơxô̆ liăn ‘no pêi cheăng pơtroh, liăn ngân ngiât; mơdêk kơvâ mơjiâng pro chip bán dẫn, on tơhrik vêh pro, hydrogen, mơnhông pêi chiâk deăng xúa kơmăi chal nếo, kơmăi cheăng ki ê, troăng klông on tơhrik.

Pôa Phạm Minh Chính, Ngế pro xiâm hnê ngăn tơnêi têa pơkâ thế mâu khu mơdró kâ Nhuk tŏng gum Khu mơdró kâ Việt Nam veăng tung mâu tơdroăng tê mơdró, mơjiâng pro tung lâp plâi tơnêi dêi mâu khu mơdró kâ Nhuk, tơdrêng amê hlối tŏng gum hnê tối kơmăi kơmok, mơjiâng khu pêi cheăng rơkê, pơkuâ ngăn rơkê plĕng.