WB mơnhên tơdroăng tơkêa bro ‘na kong prâi dêi Việt Nam châ tơƀrê
Thứ tư, 15:22, 09/11/2022
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Tung tơdroăng pêi cheăng COP27, kơxo lơ 8/11, Khu Việt Nam xua pôa Trần Hồng Hà, Ngế xiâm pơkuâ loăng pơlái kong kế ƀă kong prâi pơkuâ djâ hiăng pêi cheăng ƀă Khu hngêi arak liăn lâp plâi tơnêi (WBG) ‘na thăm kơdroh mơ’no trếo ‘mêi hngêi nhĕng vâ hbrâ ví kong prâi hơ’lêh.
Xông tơpui a hneăng hôp tơpui tơno veăng amê ai pôa David Malpass, Kăn xiâm hnê ngăn Hngêi arak liăn lâp plâi tơnêi, Kăn xiâm pơkuâ kong têa Tanzania, Kăn xiâm pơkuâ kong têa Mozambique; pôa Trần Hồng Hà, Ngế xiâm hiăng tối mâu tơdroăng tơkêa bro, troăng pêi dêi Việt Nam tung tơdroăng pêi pro mâu tơkêa WB ‘na hbrâ ví kong prâi hơ’lêh. Peăng dêi tơná, pôa David Malpass mơnhên mâu tơdroăng tơkêa bro dêi Việt Nam hiăng pro mơhnhôk ƀă châ tơƀrê.
Tơrŭm cheăng dêi WB ƀă Việt Nam tung pêi pro tơdroăng pơ’lêh cho troăng pêi ăm mâu kong têa ƀă kơpong. Pôa David Malpass tối nhên, WB kô pơtối rơtế Việt Nam ki má lối tung tơdroăng hbrâ ví kong prâi hơ’lêh.
Viết bình luận