Hâi ki nếo dêi lối 120 rơpo\ng Jeh - Triêng a pơlê Đăk Răng, cheăm Đăk Dục, tơring Ngọc Hồi, kong pơlê Kon Tum hmâ pơxiâm sap ing 2 chôu 30 phut kơxo má. Tơdroăng cheăng ki kúa chhá kơxu, cho tơdroăng ki thế pêi kơtăng ‘na chôu phut, hâi khế, ing mê hiăng mơhriâm pât ăm mâu ngế pêi cheăng tung pơlê hlê ple\ng nhên khât.

Pơlê Đăk Răng pa k^ng troăng Hồ Chí Minh

Ngoh A He\o, môi ngế kuăn pơlê a pơlê Đăk Răng ăm ‘nâi, kuăn pơlê tung pơlê pơxiâm pêt hên loăng kơxu sap ing hơnăm 2003, drêng troăng Hồ Chí Minh tơkâ luâ pơlê châ Tơnêi têa ‘no liăn mơjiâng pro. Troh nôkố rơpo\ng ki lâi xuân ai sap ing 5 troh lối 2 ha kơxu. Pak^ng mê, rêm rơpo\ng kuăn pơlê ối tơdah xo kúa sap ing 1 troh 3 ha dêi Nông trường kơxu Dục Nông. Maluâ yă chhá kơxu nôkố kơdroh ó, la tâi tâng kơxo# liăn pêi lo dêi môi ngế cheăng tung khế xuân châ dâng 4 rơtuh liăn. Tiô ngoh A He\o, troăng prôk tơ’lêi hlâu hiăng mơdêk tơdroăng ki pêt kơxu:

‘’Mâu rơpo\ng tung thôn kơhnâ khât pêi cheăng kâ. Krê to ‘na kơxu vâi krâ nho\ng o tung thôn châ hnê nhên ‘na kúa xo chhá kơxu. Pak^ng mê, mâu rơpo\ng xuân kơhnâ pêt kơphế rế hía rế hên, rế hía rế po rơdâ hên. Báu klâng vâi krâ nho\ng o tí tăng túa vâ báu kơtốu hên, dâi le\m tâ’’.

Hơdruê xoâng tung Hâi ru\m môi tuăn a pơlê Đăk Răng

Nôkố ngăn mâu troăng prôk [ê tông thôn pơlê krá le\m tơdjêp [ă troăng kân Hồ Chí Minh tơkâ luâ po cheăng pơlê Đăk Răng, ôh tá ai kơbố tơmiât kuăn pơlê akố hdrối nah rêh ối [ă tơdroăng ki ôh tá ai troăng prôk le\m. Hdrối hơnăm 2003 drêng troăng kân Hồ Chí Minh tá hâi châ ‘no liăn mơjiâng pro, maluâ pơlê Đăk Răng bu kơtăn ing tíu xiâm tơring Ngọc Hồi lối 16km la kuăn pơlê athế prôk vâ chê tâi kơxo má, xua troăng prôk ôh tá chiâng kơto rơxế bú prôk chêng tê.

Troăng Hồ Chí Minh kơpong tơkâ kong pơlê Kon Tum

Kế tơmeăm pêi lo ing chiâk deăng mâu khu ki roê, roê [ă yă rơpâ xua tơdroăng ki pơto chơ xơpá. Pôa A Brol, krâ pơlê chôu vế, tơdroăng rêh ối dêi kuăn pơlê Đăk Răng drêng rôh ki tá hâi ai troăng, xơpá tu\m mâu tơdroăng:

‘’Hdrối nah, ngin prôk pá khât. Prôk troăng tung kong hếo ngo, hếo ngối ôh tá ai troăng prôk. Prôk lăm, prôk vêh pá khât yoh, mê nếo ai tá tơdroăng ki kơklêa nếo. Châi tamo troăng prôk pá puât, vâ châ pơkeăng pơlât xuân pá tâ nếo. Tông dêi rơpó a ning nok djâ troh a hngêi pơkeăng cheăm. Ai mâu ngế ki ‘nâ ôh tá ai kơbố tông. Nôkố troăng prôk hiăng tơ’lêi hlâu, troăng, kông, on tơhrik hiăng ai tu\m, sôk ro khât’’.

Kơnôm ai troăng kân Hồ Chí Minh pro ‘nhiê troăng ki lui tơdjêp péa to ko. Troh a peăng kơnho\ng lo a kong pơlê Quảng Ngãi, pơlê kong kân Đà Nẵng. Chu troh peăng hdroh vêh troh a tíu xiâm kong pơlê Kon Tum tơdjêp [ă mâu kong pơlê Tây Nguyên, pơlê Đăk Răng xuân môi tiah lối hr^ng to pơlê hdroâng kuăn ngo ki ê rêh ối drô troăng kân Hồ Chí Minh troăng ki tơkâ luâ kong pơlê Kon Tum ai rôh vâ mơnhông mơdêk.

Rơtế [ă mê, troăng prôk tung thôn pơlê troh a kơpong pêi chiâk deăng ki hên hiăng châ ok [ê tong prôk lăm tơ’lêi hlâu, pơto chơ kế tơmeăm pêi lo ing chiâk deăng dêi vâi krâ nho\ng o hiăng tơ’lêi hlâu khât.

A pơlê Đăk Răng nôkố tơdroăng tơmeăm pêi lo ing chiâk deăng pêi lo troh dâng lâi mê tê tâi troh amê, ing mê hiăng mơhnhôk kuăn pơlê tơ’noăng pêi chiâk deăng. Tung pơlê hên rơpo\ng, môi tiah rơpo\ng ngoh Siêng Lăng Lộ, A Lan, Siêng Lăng Líu [ă hên mâu ki ê pêi lo châ hr^ng rơtuh liăn rêm hơnăm ing loăng kơxu, kơphế, loăng ‘mố, pôm loăng.

Lâp pơlê bu ai 5 rơpo\ng ối tung rơpo\ng kơtiê xua châi tamo, hiăng krâ. Tơdroăng ki phá tơ-ê a Đăk Răng cho 22 ngế đảng viên dêi Chi [o# [a\ 35 đoân viên dêi Chi đoân pơrá ai tơdroăng rêh ối rế hía rế hôm tâng pơchông [a\ mâu rơpo\ng ki ê tung pơlê.

Nâ Y Um Truk, Kăn pơkuâ hnê ngăn Chi [o# tối ăm ‘nâi:

‘’Tâi tâng đảng viên djâ troăng ahdrối tung mơnhông cheăng kâ rơpo\ng [a\ xúa khoa hok kih thuât, tơtro\ng ‘na tơdroăng rêh ối pơlê pơla. Tiô á séa ngăn ‘na thôn mê tơdroăng rêh ối dêi vâi krâ kuăn pơlê mơnhông mơdêk rơdêi. Tơdroăng cheăng kâ, rêh ối pơlê pơla mơnhông mơdêk ti tiô dêi pó’’.

Tơdroăng cheăng kâ mơdêk, tơdroăng rêh ối phâi tơtô, kuăn pơlê Đăk Răng châ tơmâng, rak ngăn hên tâ troh tơdroăng rêh ối mơhno túa le\m tro ‘na hiâm mơno. Rơtế [a\ mâu tơmeăm ki tơmâng, ngăn rơxông nếo hngêi ki lâi xuân ai, pơlê tơno dêi pó rơtế rak khôi túa le\m jâ pôa nah. Kuât, khu chêng koăng, hơdruê xuâng, mâu hâi leh, hâi t^ng dêi mơngế Jêh - Triêng [a\ hía hé châ kuăn pơlê rak vế tu\m.

Tơdroăng ki le\m troh hơngế, cheăm Đăk Dục, tơring Ngọc Hồi phiu ro tối ăm ‘nâi, troăng Hồ Chí Minh châ Đảng [a\ Tơnêi têa tơmâng mơ’no liăn mơjiâng troăng tơkâ mâu cheăm hiăng kum kuăn pơlê 11 thôn dêi cheăm hơ’lêh tơtêk:

‘’Sap ing ai troăng Hồ Chí Minh tơkâ hluâ Tây Nguyên tung mê tơkâ hluâ cheăm Đăk Dục pro tơ’lêi hên ăm vâi krâ tung tơdroăng mơnhông cheăng kâ, rêh ối pơlê pơla xuân môi tiah  kring vế cheăng lêng. Sap ing ai troăng kố vâi krâ kuăn pơlê hiăng tê ăm dêi pó tơmeăm tơ’lêi hlâu. Mâu ngế ki rôe mot troh pơlê, kơtâu vâ rôe tơmeăm khoăng dêi kuăn pơlê. Ing mê mơdêk tơdroăng rêh ối dêi kuăn pơlê’’.

Troăng kân Hồ Chí Minh – Troăng kâ kơxo# 14 dêi rơxông kơmăi kơmok – Tơnêi têa mot rơxông nếo tơkâ Tây Nguyên xo\n 663km. Krê kơpong kong pơlê Kon Tum xo\n 155 km, tung mê kơpong tơkâ tơring Đăk Glei [a\ Ngọc Hồi châ mơ’no liăn rơnêu troăng Trường Sơn mê nah. {a\ hên pơkâ troăng râ má III péa troăng rơxế, troăng kố hiăng kum kong pơlê Kon Tum ôh tá ai xếo troăng kơ’ve\ng kơ’vo\ng, pro tơ’lêi [a\ mâu kơpong cheăng kâ dêi tơnêi têa.

Troăng kân xuân cho kum tơ’lêi vâ kuăn pơlê rêh ối a hr^ng thôn pơlê péa pâ troăng ai roh tơ’lêi hlu\n kơtiê krá tơniăn [a\ mơ-eăm pêi cheăng kâ, pro kro mơdro\ng.

Khoa Điềm chêh

A Sa Ly - Katarina Nga tơplôu [a\ tơbleăng