VOV4.Sêdang - Ô vâi krâ-nho\ng o [ă pú hmâ! Maluâ tơdroăng reh ối, ki niân ki pá ga pơrá phá dêi pó, la ki hmâ trâm, tơpui tơno, hơ-ui vâ, pâ mơjo  pơla thái cô [ă hok tro tíu lâi tíu lâi xuân môi tiah ga krá kâk păng ‘nâng. {ă tơdroăng ki hơ-ui vâ, mơjo pâ mê thăm rế ó tâ [ă mâu hngêi trung hơngế ing tơnêi xiâm, mê cho a chuăn rơlố, tung dế têa kơx^ ki kơnía git dêi tơnêi têa. Tá xê bú hnê ăm vâi hok tro hlê ple\ng chu, ‘na tơdroăng rêh ối, tơdroăng ki kố ki mê, thái Nguyễn Ngọc Hạ prế Lê Anh Đức ối ngăn hok tro a hngêi trung chuăn Sinh Tồn môi tiah mâu vâi o, vâi muăn, vâi kuăn tung rơpo\ng hngêi dêi tơná. Drêng vâ mot tung hơnăm hriâm nếo 2015-2016, hâi ki tâi tâng kuăn pơlê djâ dêi kuăn ‘ne\ng lăm troh a hngêi trung, pin rơtế lăm pôu ngăn mâu hngêi trung a chuăn têa kơx^ Trường Sa tiah kố.

Hơnăm hriâm kố cho hơnăm má pái thái Lê Anh Đức hiăng hnê a hngêi trung râ má môi Đảo Sinh Tồn, [ă mâu vâi o hok tro ki pơxiâm pơtâp pơchuât chu [ă hmâ tơdroăng ngăn chu. 28 hơnăm, tá hâi xo on veăng, la thái Đức ngăn mâu vâi o hdrêng mê môi tiah dêi o tơná tung rơpo\ng hngêi. Paro\ng mê, thái xuân châ mâu vâi o kôh nhoa#m thái môi tiah môi ngế pâ, mơngế ngoh xiâm dêi tơná. Thái Lê Anh Đức tối: Tơdroăng ki vâi o hdrêng akố tơpui tơno ga cho tơdroăng ki vâi kal vâ păng ‘nâng tung hriâm tâp, mâu vâi o hmâ troh a hngêi trung, tơpui tơno [ă mâu thái hên tơdroăng, lơ trâm mâu tơdroăng pá, malối drêng ôh tá hâi ‘nâi pơchuât chu, vâi êng thái, chu ki kố cho chu klâi. Hnoăng cheăng xuân môi tiah tơdroăng pêi cheăng rêm hâi dêi thái cô akố ngin pêi tâi tá hiâm mơno, ngin kô hnê ăm vâi o hdrêng tu\m têk, tâi tâng mâu tơdroăng ki tơná hiăng ple\ng, hnê mâu [ai ki hiăng ai tung hlá mơ-eá hriâm, kum ăm vâi o hlê ple\ng mâu tơdroăng ki nếo, ‘nâi nhên tung hriâm a râ má 1, vâ la ngiâ ah, vâi o kô châ pơtối hriâm mâu tơdroăng ki rơkê tâ a lâm pá pêng.

Rơtế [ă thái Lê Anh Đức [ă mâu vâi o a hngêi trung râ má môi chuăn Sinh Tồn cho thái Nguyễn Ngọc Hạ, 26 hơnăm. Ki [riê lo têa mâ apoăng dêi thái Hạ xiâm troh hnê akố mê cho tơdroăng ki vâi o hdrêng akố vâ tí tăng ‘nâi ple\ng tơdroăng kố tơdroăng tá. Mơhé hơngế ing tơnêi, preăng ai pú hmâ, la mâu vâi o akố ‘nâi kơdôu mơ-eăm hriâm tâp [ă hriâm rơkê khât. Tung pơla hnê, mâu thái ôh tá xê hnê nhên to ‘na tơdroăng ki hiăng ai tung hlá mơ-eá ăm rêm lâm ki Khu xiâm pơkuâ ngăn ‘ná hnê hriâm hiăng pơkâ, mê ối hnê thăm a mâu chôu ki ê, pơtâp ăm túa rêh kâ ối vâ vâi o tí tăng ‘nâi xêh tơdroăng ki rơkê, khên vâ pro pú hmâ [ă vâi pú ki dế hriâm a tơnêi xiâm.

Tiô pơkâ, péa ngế thái cho Nguyễn Ngọc Hạ [ă Lê Anh Đức kô hnê 5 hơnăm a hngêi trung râ má môi chuăn Sinh Tồn, tơring chuăn Trường Sa. Luâ 2 hơnăm hiăng hmâ [ă vâi o hok tro a kơpong chuăn têa kơx^ ki kơnía git dêi tơnêi têa cho mâu hâi khế hơnăm ki mâu thái cô cho mơhúa drêng hiăng châ hnê tối [ă châ pro hmâ tiah pú hmâ akố. Thái Nguyễn Ngọc Hạ [riê tối tiah kố: Tíu ki kố xuân môi tiah hngêi má péa á há. Á rêh ối, á pêi cheăng kố, tâ tá cho mâu nôu pâ vâi o, mâu hok tro ki á hâk mơnâ. Mâu vâi o akố xuân môi tiah vâi o tơná pin, mâu vâi muăn, vâi kuăn tung rơpo\ng hngêi pin. Mê mâu vâi o, vâi muăn ngăn pin xuân môi tiah môi ngế pâ, môi ngế tăm, ngế ngoh vâi, ngăn dêi pó môi tiah môi rơpo\ng hngêi.

Drêng êng ‘na thái ki hnê tơná, Nguyễn Trần Luân hơnăm kố o to lâm 5, cho hok tro ki kân hdrah má môi dêi hngêi trung, tối tiah kố: Á ro ‘nâng xua á hriâm rơkê [ă đi đo châ thái khe#n kơdeăn ‘na hnoăng ki á hiăng kơhnâ hriâm: Thái hiăng hnê ăm á hên môn hriâm, môi tiah toán, tiếng Việt, khoa hok kih thuât [ă hía hé, thái hnê á tơmâng re\ng ple\ng.

Nâ Lê Thị Hoa Trinh, nôu o Võ Hoài Bảo An hơnăm kố mot hriâm lâm 1 tối, tung pơla hriâm lâm mauh yăo mâu thái cô hiăng rak ngăn, hnê mơhnhôk mê kuăn á khoh rơhêng vâ hriâm păng ‘nâng, púi châ troh a hngêi trung vâ hriâm: Ai péa ngế thái hnê, mâu thái pơrá to\ng kum, ngăn khât vâi kuăn ngin. A chuăn kố iâ hok tro, tơdroăng hnê tối, rak ngăn vâi muăn xuân krâu tâ a tơnêi xiâm.

Pôa Lê Văn Hải-Kăn pho\ hnê ngăn cheăm chuăn Sinh Tồn hiăng mơnhên tối ivá, hiâm mơno dêi thái Nguyễn Ngọc Hạ [ă Lê Anh Đức [ă mâu hok tro cho [ă tơdroăng ki điêm hriâm ki rơkê khât dêi vâi o hok tro [ă hngêi trung: Tung mâu hơnăm hiăng luâ, mơgêi hơnăm hriâm pơla hdrối kố, mâu vâi o akố pơrá ai hên ngế hriâm rơkê [ă rơkê păng ‘nâng. Tơdroăng ki mê châ séa mơnhên ivá dêi hok tro tiô tơdroăng pơkâ 30 dêi Khu xiâm pơkuâ ngăn ‘na hnê hriâm, mê a chuăn kố xuân pêi pro tiah mê. Tung la ngiâ kố ah, túa hnê tối xuân ối châ pơtối rak vế [ă châ mâu thái [ă hok tro a hngêi trung râ má 1 chuăn Sinh Tồn thăm kơdôu mơ-eăm hên tâ mê nếo.

Tí xê kum to ăm mâu vâi o châ hlê ple\ng, tơdroăng ki mâu thái Nguyễn Ngọc Hạ [ă Lê Anh Đức púi vâ má môi mê, klêi kơ’nâi vâi o mơgêi hriâm râ má môi a chuăn Sinh Tồn vêh troh a tơnêi xiâm pơtối hriâm râ má 2, má 3 phôh thong, mâu vâi o kô đi đo chôu vế mâu khế hơnăm ki vâi hiăng hriâm a chuăn têa kơx^, hiăng rêh ối a chuăn Trường Sa. {ă hiâm mơno ki khíu pâ têa kơx^, pâ rêm ngế, mơni vâi o kô chiâng mâu ngế ki rơkê vâ hnê tối ăm pú hmâ ‘na chuăn, rơlố ki kơniá git dêi tơnêi têa.

Nhat Lisa chêh [ă tơbleăng