VOV4.Xơ Đăng - Mâu tơdroăng nếo ai tung tơnêi têa pin ƀă kong têa ê ai mâu kal xiâm tiah kố:
-Pôa Tô Lâm, Kăn xiâm pơkuâ hnê ngăn cheăng Đảng pơkuâ po rôh hôp Khu hnê mơhno cheăng Tơnêi têa ‘na hbrâ mơdât kâ kơhveăm, pro mơ’hrê liăn ngân Kơvâ cheăng Đảng.
-Ngế pro xiâm hnê ngăn tơnêi têa hnê mơhno ‘mâi mơnhông klêi kơ’nâi ai 3 ngế hlâ ƀă 2 ngế hía a hngêi kơmăi on tơhrik Đăk Mi 1, cheăm Đak Choong, tơring Đăk Glei, kong pơlê Kon Tum.
-Gia Lai thăm mơdêk kơdroh ngế oêi cheăng, xing xoăng kơ koan cheăng tơnêi têa.
-Tơdroăng tơbleăng hơnăm nếo 2025 dêi pôa Vladimir Putin, kăn xiâm pơkuâ kong têa Rusi ‘nâng ‘nâi má môi tung tâi tâng hneăng pro kăn xiâm pơkuâ têa dêi pôa.
-Kong têa Romania, Bulgaria păng ‘nâng mot tung kơpong tơniăn krê tơkăng kong Schengen.