Ƀă dó inâi ‘’Mơdêk tơdâng tơ’mô ƀă mơnhông hnoăng dêi kăn ƀô̆, mâu ngế tơrŭm, vâi kơdrâi tung mơnhông cheăng kâ – rêh ối pơlê pơla tung kong pơlê Dak Lak’’, hneăng hôp tơkŭm po tung tơdroăng kuăn pơlê pơkuâ dêi hnoăng cheăng, kơdrâm phiu ro, tơdrăng.

Mâu tơdroăng tơdjâk troh troăng pơkâ pêi vâ mơhnhôk, tŏng gum vâi kơdrâi pơxiâm tăng cheăng pêi mơnhông cheăng kâ; mơjiâng thôn pơlê nếo; tơdâng tơ’mô pơla kơdrâi ƀă kơnốu; tơniăn tơdroăng rêh ối pơlê pơla ăm vâi kơdrâi; tơdroăng cheăng kăn ƀô̆ ƀă vâi kơdrâi; troăng pêi tơniăn ăm vâi kơdrâi ƀă vâi hdrêng...châ mâu kăn teăng mâ rơhêng vâ ‘nâi ai kơ-êng.

Kăn teăng mâ mâu khu, kơvâ cheăng ai tơdjâk hiăng tơpui tơno, tối, tiâ tối tơdrêng. Jâ H Yim Kđoh, Kăn phŏ hnê ngăn Vi ƀan kong pơlê mơnhên, mâu tơdroăng xiâm kăn teăng mâ tối tơdroăng ki nếo ai, kal khât, mơhno tơdroăng ki tơmâng vâ ‘nâi plĕng dêi vâi kơdrâi ƀă mâu kơvâ dêi tơdroăng rêh ối, kal kí, rêh ối pơlê pơla. Ing mê, mơnhên tíu cheăng, hnoăng dêi vâi kơdrâi tung mâu kơvâ pêi cheăng.