Hơnăm 2024, Khu kăn Đảng ủy, Khu xiâm pơkuâ ngăn lêng Kuân khu 5 hiăng pơkuâ hnê mơhno, mâu lêng Kuân khu 5 tơbleăng pêi kơtăng, tơdrêng, pêi ai pơxúa mâu pơkâ, tơdroăng hnê mơhno, tơdroăng tơkêa bro dêi Khu Đảng lêng Xiâm, Khu xiâm pơkuâ ngăn lêng ‘na tơdroăng  lêng, lêng gak tơkăng kong, kring vế Tơnêi têa tung tơdroăng nếo. Kuân khu 5 tơrŭm ƀă mâu kong pơlê, pơlê kong kân mơjiâng kơpong hbrâ, tơmeăm khoăng tơplâ rế pê klêi.

Tơbleăng a hneăng hôp, Thươ̆ng tươ̆ng Hoàng Xuân Chiến, Ngế xiâm phŏ pơkuâ ngăn lêng pơkâ thế tơkŭm tơmâng mơjiâng khu lêng tơpâ  Kuân khu 5  rế rơdêi tung tŭm tơdroăng cheăng ‘na kal kí, tuăn mơno, ai tiô púi vâ tơdroăng cheăng pêi tung tơdroăng nếo nôkố. Hnê tơdroăng ki lĕm ton nah 80 hơnăm dêi Lêng ƀă hbrâ 80 hơnăm pêi pro tơdroăng ton nah dêi mâu lêng tơplâ dêi kuân khu ƀă mâu tơdroăng leh kân dêi tơnêi têa vâ ai troăng hơlâ kal kí, khên tơnôu pêi pro tŭm tơdroăng tơkâ luâ xơpá.