Tơpui a rôh leh, pôa Lưu Văn Trung, Kăn phŏ pơkuâ hnê ngăn cheăng Đảng, Kăn hnê ngăn Hô̆i đong Hnê ngăn kuăn pơlê kong pơlê Dak Nông tối nhên, hlá tơbeăng, um tơvi, rơ’jíu, internet hiăng rơtế prôk ƀă kong pơlê vâ tơkâ luâ môi hơnăm ki ai hên tơdroăng pá, pêi pro châ ƀlêi chiâng hên mâu tơdroăng tung hên mâu kơvâ cheăng. Tung mê, ki xiâm cho Dak Nông hiăng tơkŭm po ƀlêi chiâng leh tơbâ 20 hơnăm vêh mơjiâng ƀă tơdah xo Me dái Tơniăn krê ối má Môi; kơlo kơxô̆ PCI dêi kong pơlê tâk 17 râ, ối má 21 tung lâp tơnêi têa.

A Rôh hôp mơgêi tơdroăng cheăng hlá tơbeăng, Khu pơkuâ ngăn Đảng Dak Nông hiăng tơkŭm po rôh diêp pri Búa Liềm vàng rôh má 9, hơnăm 2024 ăm 33 ƀai tơ’noăng ki rơkê má môi ing 63 to ƀai ki pơtroh tơ’noăng. Kơ koan teăng mâ kơpong Tây Nguyên, Rơ’jíu Việt Nam châ kâ 3 pri a mâu túa tơpui pơchuât, mê cho: pri B ƀă ƀai “Đưa đảng viên quân hàm xanh về với bon làng, kinh nghiệm từ Đắk Nông”; pri C ƀă ƀai “Nâng cao chất lượng sinh hoạt chi bộ trong vùng dân tộc thiểu số ở Đắk Nông” ƀă pri Mơhnhôk cho ƀai “Vun đắp tình yêu Tổ quốc qua những tiết học biên cương”.