Khu xiâm pơkuâ troăng prôk ƀă rơxế kơtâu mơnhên rơxế kơtâu ƀă on tơhrik cho troăng pêi ki tro má môi vâ pơhlêh rơxế kơtâu ƀă têa kơxăng, têa châu. A roh hôp, khu râ kăn pơkuâ mâu Khu xiâm hiăng tơpui ‘na troăng pơkâ pêi, troăng hơlâ kơjo ƀă kế ăm rơxế chiâng kơtâu lĕm ƀă kong prâi, pro tíu săk on tơhrik a tíu kơdrâm hên kuăn pơlê rêh ối; tŏng gum kuăn pơlê, khu tê mơdró ‘na rơxế pơto tơmối pơhlêh xúa rơxế kơtâu ƀă on tơhrik.

Mơgêi roh hôp, pôa Trần Hồng Hà, Ngế pro xiâm phŏ hnê ngăn tơnêi têa pơkâ thế: Khu xiâm pơkuâ Loăng pơlái, kong kế ƀă Kong prâi thâ pêi kêi đeăng hnoăng pơcháu, pơkâ ‘na hyôh ‘mêi ki lo pa kong ƀă rơxế dế kơtâu; pơkâ mơnhên mâu kơpong, tíu ki ai kơlo tê chu ki ‘mêi kong prâi, pơhlêh rơxế kơtâu xúa on tơhrik; hriăn plĕng troăng pêi, túa ki rơkê tơtro mâu kong têa ‘na tơrŭm ƀă mâu khu tơrŭm lâp plâi tơnêi vâ châ achê kơxô̆ liăn vâ pơhlêh rơxế kơtâu ƀă on tơhrik.