VOV4.Xơ Đăng - Hâi lơ 9/11, pôa Bùi Thanh Sơn, Ngế xiâm tơpui kâ ƀă jâ Marise Payne, Ngế xiâm tơpui kâ kong têa Australia hiăng pơkuâ Tơpui tơno ASEAN – Australia ‘na vâi kơdrâi, hơniâp lĕm ƀă tơniăn roh má 2 tiô troăng mơ’no tơdrêng tung um tiô troăng măng hlối mơ’no tơdrêng tung um tơvi. Veăng hneăng hôp tơpui tơno ai pôa Lim Jock-joi, Kăn xiâm chêh tôm xo rơkong ASEAN rơtế mâu kăn teăng mâ mâu kong têa ASEAN, kăn teăng mâ mâu kong têa ASEAN ƀă Australia a Hà Nội; mâu ngế ki hriăn plĕng khoa hok ing mâu kơ koan hriăn plĕng tung kơpong ƀă hía hé.

Xông tơpui pơxiâm po hneăng hôp tơpui tơno, pôa Bùi Thanh Sơn mơnhên, tơdroăng ki kal cho roh ki kal vâ thăm pêi pro Tơdroăng kal ‘na vâi kơdrâi, hơniâp lĕm ƀă tơniăn ing tơrŭm cheăng ƀă kong têa Australia, vâ mơnhên hnoăng dêi vâi kơdrâi. Sap ing Tơpui tơno ASEAN – Australia roh má môi ‘na vâi kơdrâ, hơniâp lĕm, tơniăn lĕm tơkŭm po a khế 4/2018, Australia hiăng thăm tơrŭm ƀă ASEAN tung tơdroăng thăm tơrŭm tung mâu kơvâ cheăng kố.

A Sa Ly tơplôu ƀă tơbleăng