VOV4.Sêdang - Riân sap 12h hâi lơ 22/9, tơring Dak Rlâp, kong pơlê Dak Nông mơgêi tơdroăng klâ kơtăn pơlê pơla tiô pơkâ 16. Lâp tung tơring kô pơ’lêh xua pơkâ 15. Laga hlo pơreăng ối tâ tú hên rơ-iô, Vi ƀan kong pơlê Dak Nông thế Vi ƀan tơring Dak Rlâp xúa pơkâ mâu tơdroăng pơkâ hbrâ mơdât pơreăng COVID-19 tiô pơkâ 15+ ƀă cheăm Dak Ru ƀă cheăm Quảng Tín (2 to cheăm ai hên ngế tung kuăn pơlê tâ tú). Ƀă mâu tíu mơdró kế kâ a mâu troăng kân, bú chiâng tê djâ vêh tê.

A mâu kơpong klâ krê tơchoâm, mâu ngế F1 pơtối xúa pơkâ klâ kơtăn tơ’nôm pa 7 hâi nếo. Tơring pơtối hnê mơhnhôk kuăn pơlê mơ-eăm rak tro luât, kơdroh lo prôk drô troăng, rak tro pơkâ hbrâ mơdât COVID-19, mơ-eăm pôi tá ăm pơreăng châ vêh tâ tú nếo.

Riân troh hâi lơ 22/9, a kong pơlê Dak Nông ai 66 ngế yương tính ƀă SARS-CoV-2. tung mê, tơring Dak Rlâp ai 314 ngế. Tâi tâng kong pơlê nôkố ai 242 ngế hiăng pơlât prêi, 1 ngế hlâ.

Gương tơplôu ƀă tơbleăng