VOV4.Sêdang - Pơtối châ tâng tối mâu tơdroăng nếo ai a VOV [ă mâu kơ koan ngăn ‘na chêh hlá tơbeăng ‘na tơdroăng ki troăng kân 19 tro tơ’nhê, cho troăng ki tơkâ luâ a Gia Lai, hâi lơ 26/10, Khu xiâm ngăn ‘na troăng kân kơxo# III, ối tung Khu xiâm ngăn ‘na troăng prôk-rơxế kơtâu hiăng pơtroh hlá mơ-éa pơkâ thế khu ki ai tơdjâk troh tơdroăng Tơkêa bro ‘mâi rơnêu troăng ki kố, pêi pro dêi hnoăng cheăng ki rak ngăn tơmeăm khoăng ki mơjiâng pro. Khu xiâm ngăn ‘na troăng prôk kơxo# III tối nhên, pơkâ thế mâu khu ki mơjiâng pro troăng thâ re\ng tơku\m khu kơmăi kơmok, kế tơmeăm, ‘mâi rơnêu mâu tíu ki tơ’nhê a drô troăng vâ kơ tơniăn krá [ă pêi cheăng tơtro kih thuât; ôh tá lôi ai tơdroăng ki ti tơniăn drô troăng prôk, xua hdrối mê hía nah, nếo ‘mâi rơnêu la hiăng tơ’nhê.

Môi kơpong troăng kân 19 ki tơkâ Gia Lai hiăng tơ'nhê

Tung pơla ‘mâi rơnêu, mâu khu ki mơjiâng pro troăng xuân athế rak tơniăn ‘na troăng prôk. Tâng tung hâi kố, lơ 27/10, mâu khu ki mơjiâng pro ôh tá re\ng pêi, mê Khu xiâm ngăn ‘na troăng prôk kơxo# III kô tối tơbleăng ăm râ ki ai hnoăng, ôh tá ăm mâu khu ki mê ‘mâi rơnâu  troăng xếo; tơdrêng amê, hlối xúa liăn ki rak vế tơdroăng tơkêa bro, pơcháu ăm khu ki ê vâ ‘mâi rơnêu.

Nhat Lisa tơplôu [ă tơbleăng