Troăng kân peăng mâ hâi lo troh peăng hâ hâi lu dêi pơlê kong kơdrâm {uôn Ma Thuột, kong pơlê Dak Lak xo\n vâ chê 7km, ai troăng ki xiâm tơdjêp [ă troăng Lê Duẩn – Đinh Tiên Hoàng, tíu ki mơ’nui cho tơdjêp pơla troăng kân kơxo# 27 [ă troăng mot a tơraih tơ-[ai {uôn Ma Thuột. Tơdroăng tơkêa kố xua Vi [an hnê ngăn pơlê kong kơdrâm {uôn Ma Thuột cho ngế ki ‘no liăn pro, tâi tâng kơxo# liăn ‘no apoăng ai 998 rơtal liăn, tung mê, tơnêi têa kum 90%, kơxo# liăn pơlê kong kơdrâm ai 10%.

Xua ai hên tơkêa la ôh tá hâi pro klêi tiô tơdroăng pơkâ ki apoăng (2015 – 2017), hiăng athế ‘mâi rơnêu hâi khế ki pro klêi troh hơnăm 2020. Laga troh nôkố, troăng kân peăng mâ hâi lo troh peăng mâ hâi lu pơlê kong kơdrâm {uôn Ma Thuột nếo bú nếo troh tơdế xo\n dâng 4,3km pro tá hâi teăm klêi. Peăng 2 tíu xiâm troăng prôk, tâi tâng ki xo\n 2,6km, xuân tá hâi teăm ‘mâi xe\n hngêi trăng.

Tơdroăng tơkêa xuân tá hâi pro klêi a 2 tíu

Pôa Trương Văn Chính, Kăn pơkuâ Tíu xiâm mơnhông khu rak liăn tơnêi pơlê kong kơdrâm {uôn Ma Thuột, tíu cheăng ki châ pơcháu hnoăng cheăng ‘mâi xe\n hngêi trăng, ăm ‘nâi, ai hên tơdroăng ki tơvâ tơvân a tơdroăng tơkêa kố, malối cho tơdroăng ki xoăng liăn [ă teăng ăm troăng hơlâ pơkâ ‘na yă chêl thiăn:

‘’Ôh tá tơniăn xua Tơnêi têa ôh tá liăn, ôh tá tơniăn xua pơkâ troăng hơlâ la piu lôi tơdroăng ki pơtroh tơdrêng sap ing pơkâ 43 ki tá hâi pêi pro klêi, tá hâi pro klêi la hiăng hơ’leh ăm tơdroăng pơkâ 22. Ki rơhêng vâ tối drêng pơkâ 22 pơxiâm châ pơkâ nah athế ai tơdroăng ki pơtroh tơdrêng, [ă mâu hồ sơ hiăng châ k^ pơkâ lơ tá hâi châ k^ pơkâ la séa ngăn a tơdroăng pơkâ 43 vâ chêl thiăn [ă pro tíu ối mê nôkố pêi pro tiô pơkâ 43, tiah mê gá nếo rak tơniăn tơdroăng ki tơdâng tơ’mô pơla mâu rơpo\ng kuăn pơlê [ă môi tơdroăng tơkêa’’.

Liăn chêl ‘mâi văng tơnêi hiăng tâk vâ chê 3 hdroh

Xuân ing tơdroăng ki ton troh 5 hơnăm, krê tơdroăng ki ‘no liăn vâ văng tơnêi tíu tơdroăng tơkêa bro Troăng kân peăng mâ hâi lo troh peăng mâ hâi lu hiăng tâk troh 3 hdroh, sap ing 220 rơtal liăn tơdroăng tơkêa kố châ mâu kơ koan ki ai tơdjâk troh dêi pơlê kong kơdrâm {uôn Ma Thuột mơnhên tâk troh vâ chê 622 rơtal liăn.

Vâ tơdroăng tơkêa bro kố châ pơtối pro khât, Vi [an hnê ngăn pơlê kong kơdrâm dế pơkâ thế ‘mâi rơnêu tâi tâng kơlo liăn ‘no liăn sap ing 998 rơtal tâk troh 1.239 rơtal. Pôa Đinh Xuân Hà, kăn pơkuâ pơkâ [ă ‘no liăn cheăng kong pơlê Dak Lak tối ăm ‘nâi, tung pơla tơkôm kơxo# liăn tơnêi têa, Khu ngăn pơkâ [ă ‘no liăn cheăng hiăng tí tăng ‘nâi ple\ng ăm Vi [an hnê ngăn kong pơlê xo pơtân kơxo# liăn kong pơlê vâ pro tơdroăng tơkêa kố cho Troăng kân peăng mâ hâi lo troh peăng mâ hâi lu.

‘’Ngin pơkâ mơ’no ăm xo pơtân kơxo# liăn kong pơlê vâ mơdêk re\ng tơdroăng ki pro troăng kố. Peăng tơdroăng ki gu tơbăng tơnêi mê nôkố Vi [an hnê ngăn pơlê kong kơdrâm {uôn Ma Thuột dế tơku\m tung tơdroăng ki pro túa pơkâ [ă k^ pơkâ tơdroăng pâ thế. Tung tơdroăng mê, kong pơlê xo liăn dêi kong pơlê hdrối ‘nôi vâ pêi tơdroăng kố, mơdêk re\ng pro, re\ng klêi troăng peăng mâ hâi lo troh peăng mâ hâi lu’’.

Prêi, hmốu xơmo\ng, meăm pro hiăng tro kơcheăng tâi

Pôa Nguyễn Văn Đoan, kăn pho\ pơkuâ Ko\ng ti Tơlo liăn cheăng [ă mơjiâng pro 515, xuân cho kăn pơkuâ tơdroăng tơkêa bro troăng kân peăng mâi hâi lo troh peăng mâ hâi lu, ăm ‘nâi, tơdroăng ki kal rôh kố cho re\ng gu tơbăng tơnêi [ă kum liăn vâ pro rak tơniăn [ă dâi le\m:

‘’Pơla hdrối kố nah, Chin phuh xuân hiăng xing xoăng liăn. Tâng re\ng gu tơbăng tơnêi [ă kơxo# liăn re\ng kum tơdrêng mê ngin tơhrâ pêi tá kong hâi, kong măng vâ re\ng klêi tơdroăng tơkêa kố’’.

Hmâng rêm pâ ki ai tơdjâk troh tơbleăng, pôa Phạm Ngọc Nghị, Kăn hnê ngăn Vi [an kong pơlê Dak Lak hêng hôu: hdrối nah hrá văng tơnêi tíu xua ôh tá ai liăn. Troh drêng 225 rơtal liăn cho kơxo# liăn ki ôh tá ai hiăng châ Chin phuh xing xoăng, klêi kơ’nâi 3 khế xuân tá hâi châ ‘no liăn mê cho xôi ing khu ki ‘no liăn cheăng. Mâu tơdroăng ki tơvâ tơvân, sap ing văng tơnêi tá troh tơdroăng ki ‘mâi rơnêu tâi tâng kơlo liăn ‘no cheăng, Vi [an hnê ngăn pơlê kong kơdrâm {uôn Ma Thuột [ă khu ki ai tơdjâk troh hiăng ôh tá re\ng tối tơbleăng ăm kong pơlê vâ pơkâ tơleăng.

Pôa Phạm Ngọc Nghị tối mơnhên tơdroăng ki pơkâ thế ki kal [ă ki kal pêi pro tơdrêng má môi drêng kố cho túa pơkâ yă liăn chêl thiăn [ă ‘mâi rơnêu tâi tâng kơlo liăn ‘no cheăng vâ re\ng pro tơdroăng tơkêa kố:

‘’Nôkố tơku\m ‘mot tơ’nôm mâu hlá mơ-éa klâi vâ pơkâ tơleăng. Nôkố pơkâ thế yă tơnêi mê ai hlá mơ-éa [ơrô tí tăng ‘nâi ple\ng tơdrêng vâ Vi [an hnê ngăn kong pơlê pơkâ tơleăng tơdrêng. Má péa cho tâi tâng kơlo liăn ‘no cheăng mê séa ngăn tơdroăng ki ‘mâi rơnêu. Nôkố, pơlê kong kơdrâm hrá pro mê tiah lâi Vi [an hnê ngăn kong pơlê k^, ‘mâi rơnêu’’.

Troăng kân peăng mâ hâi lo troh peăng mâ hâi lu ai pơxúa khât tung tơdroăng ki pro troăng kơpho# {uôn Ma Thuột, pêi pro châ tiô tơdroăng ki rơhêng vâ ai troăng prôk tơdrêng, veăng kum pro klêi kơpho# nếo peăng mâ hâi lo troh peăng hdroh dêi pơlê kong kơdrâm. Tơdrêng amê hnối tí tăng tơdroăng ki hiăng ai hlâu tơnêi tơníu kơpong tơdroăng tơkêa bro, pro ki le\m ăm kơpho#, pro tơ’lêi hlâu mơnhông mơdêk cheăng kâ pơlê kong kơdrâm. Laga, klêi kơ’nâi 5 hơnăm tối tơbleăng, tơdroăng tơkêa kố xuân tá hâi klêi, pơtối kôm liăn, [ă tá hâi ‘nâi troh drêng lâi ah nếo klêi.

Công Bắc chêh

Katarina Nga tơplôu [ă tơbleăng