Troh a cheăm Hòa Xuân, pơlê kong kơdrâm {uôn Ma Thuột, kong pơlê Dak Lak tung mâu hâi ki kố hên ngế hâk mơnâ xua ki le\m dêi troăng prôk ai to reăng xo\n vâ chê 5km xua Khu droh rơtăm cheăm pêt [ă rak ngăn sap ing khế 5/2019.

Hên h^n đoân viên droh rơtăm veăng pêt reăng a mâu troăng tung cheăm

Vâ ai troăng prôk ki pêt reăng kố, đoân viên droh rơtăm hiăng lăm troh a tơring }ư\ Mgar vâ pâ hdrê reăng vêh pêt. Đinh Thị Thúy Kiều, thôn 3, cheăm Hòa Xuân ăm ‘nâi: Hdrối nah, péa pâ troăng bu ai to nhâ, mê troh rơnó poê báu vâi hvât hrái báu hmâng lơ vâ a k^ng troăng. Klêi kơ’nâi khu droh rơtăm tối tơbleăng pêi troăng pêt reăng, mê kuăn pơlê hiăng hơ’leh khât, ngăn hlo mâu reăng ki tơpo le\m a péa pâ k^ng troăng prôk xua khu droh rơtăm mơdâ pêt, mê vâi krâ nho\ng o pơxiâm pâ reăng vâ vêh pêt dêi a kơdrum hngêi. Kơnôm mê, nôkố ôh ti xê a drô k^ng péa pâ mâu troăng prôk to khu droh rơtăm rak ngăn, mê a mâu hơlâ troăng prôk dêi thôn, pơlê tung cheăm pơrá hlo bâ eăng dêi mâu mơngiơk reăng xua kuăn pơlê xuân pơrá veăng pêt.

‘’Tơdroăng ki pêt reăng xuân châ tối tơbleăng, á xuân châ nôu, pâ môi tuăn thế pêt a ngiâ hngêi mê mâu rơpo\ng hngêi ki tâ tá achê mê hlo le\m xuân lăm pâ reăng a mâu tíu ki ê vêh pêt tơ’nôm a ngiâ hngêi, nôkố a thôn [ă mâu hngêi ki achê, tíu ki lâi xuân hiăng pêt reăng tâi le\m mơnâ mâ tâi tâng’’.

Rak ngăn, pui nhâ ăm reăng

Kơnôm ing kơpeăng ko\ng kơhnâ rak ngăn dêi đoân viên, droh rơtăm, mâu nhâ ki huăn a péa pâ troăng, mâu tíu ki vâi hvât xok hmâng to lo vâ, mâu xiâm loăng ki ôh tá kâi rêh hdrối nah mê nôkố hiăng hơ’lêh [ă mâu tơdroăng ki le\m.

Vâ rak vế mâu troăng prôk ki pêt reăng le\m, đoân viên droh rơtăm cheăm Hòa Xuân ‘no hên ivá vâ rak ngăn. Thăm nếo, a mâu tíu ki tơnêi khăng, kơtô, mâu vâi pú athế xo rơxế chơ tơnêi ok tơbêng amê vâ pêt reăng. Tung mâu hâi ki tô, khu droh rơtăm athế chơ kơthung têa vâ tôh ăm reăng.

Mâu troăng prôk bâ eăng mơngiơk reăng a Hòa Xuân

H’Thế Êban, kăn pơkuâ ngăn Chi đoan [uôn Dray Hling ăm ‘nâi, tơdroăng ki pêt reăng apoăng pêi gá tơ’lêi hlâu xo, la drêng pơxiâm pêi nếo hlo hên tơdroăng ki pá. Laga, drêng châ hlo ki tơ-[rê tung pêi cheăng dêi tơná mê mâu tơdroăng ki tơbrêi tơbrêh xuân ôh tá ai xếo.

‘’Pêt reăng môi tiah kố hlo sôk ro khât, lăm pêt reăng châ trâm mâ mâu thôn ki kố [ă thôn ki ê, mê rêm hdroh tơkâ luâ troăng reăng kố dêi tơná hlo reăng le\m tung hiâm mơno sôk ro khât, mê hâk tơngăm xua kố cho kế tơmeăm xua droh rơtăm pin pêi.

La ngiâ kố ah, droh rơtăm rơtế [ă khu pơkuâ ngăn pơlê kô ‘mâi kơchuâ chêh, ‘mâi rơnêu plông peăng [â long mê nếo rơnêu tá plông kơtu [a long dêi pơlê vâ droh rơtăm mơdêk tơdroăng kơhnâ dêi tơná’’.

Đinh Mỹ, kăn pơkuâ Đoân droh rơtăm cheăm Hòa Xuân tối ăm ‘nâi, vâ tối tơbleăng châ tơ-[rê [ă pro chiâng ivá tơ’noăng sôk ro tung mơjiâng thôn pơlê nếo, Đoân droh rơtăm cheăm Hòa Xuân hiăng tối tơbleăng mâu túa pơkâ, tối tơbleăng mâu tơdroăng pơkâ ăm đoân viên, droh rơtăm [ă hên túa môi tiah tối tơbleăng: Tơru\m tối tơbleăng a mâu rôh trâm mâ Đoân, tối tơbleăng tung loa lơ tơru\m [ă mâu kơvâ cheăng, khu pú hên, tơku\m tối tơbleăng ing mâu rôh hôp thôn [ă hên ki ê.

Ing hlê ple\ng dêi đoân viên droh rơtăm [ă kuăn pơlê châ rế hơ’leh [ă kơhnâ veăng mơjiâng thôn pơlê nếo.

‘’Tơdroăng ki veăng mơjiâng thôn pơlê nếo a cheăm ôh ti xê cho troăng prôk pêt reăng, ki mê pin rơhêng vâ pêi ăm gá bâ le\m. Nôkố dế tối tơbleăng troh tâi tâng rêm chi đoân, rêm chi đoân ai môi kế tơmeăm droh rơtăm krê xêh ăm rêm Chi đoan ki mê, đoân cheăm kô pơtối troh to\ng kum mâu Chi đoân, mê ah to\ng kum châ 4 to hngêi trung, tơkéa vâ tối cho pêi troăng ăm gá bâ phuâng le\m a plông hngêi trung, pêt reăng tung kơdrum, drô k^ng troăng hơlâ, mê ‘mâi rơnêu sơng, pik mơngơik a mâu kế tơmeăm ki hiăng ton lơ hiăng tơ’nhiê môi tiah plông peăng [â long lơ kơpong xah hêi ăm vâi hdrêng’’.

Mơnhên tối ‘na tơdroăng tơ’noăng ‘’Hơnăm ối nếo tơdjuôm ivá mơjiâng thôn pơlê nếo’’, pôa Nguyễn Hữu Toàn, kăn pơkuâ ngăn Đảng, kăn hnê ngăn cheăm Hòa Xuân ôh ti xê to kơhnâ tung mâu hnoăng cheăng dêi Đoân mê ối kơhnâ veăng tung mâu tơdroăng tơ’noăng pêi dêi cheăm, veăng kum mơjiâng thôn pơlê nếo [ă mâu tơdroăng ki xing xoăng cheăng, ai pơxúa kal khât. Ki xiâm cho tơdroăng Đoân droh rơtăm cheăm rak ngăn [ă pêi pro châ tơ-[rê tơdroăng pơkâ ‘na kong prâi tơnêi tíu.

‘’Hơnăm 2016 cheăm pêi klêi thôn pơlê nếo, tung mê ai hnoăng cheăng dêi mâu kơvâ cheăng pú hên malối cho đoân viên droh rơtăm, cho môi tung mâu khu tơru\m xiâm tung mơjiâng thôn pơlê nếo.

Hdrối mơjiâng thôn pơlê nếo, Đoân droh rơtăm hiăng ai hên tơdroăng veăng kum môi tiah pêi troăng, kum hâi pêi cheăng. Klêi kơ’nâi veăng mơjiâng thôn pơlê nếo mê pơtối rak vế 19 tơdroăng pơkâ dêi thôn pơlê nếo, Đoân xuân hiăng ai hnoăng cheăng kal khât, tung mê, ai hnoăng cheăng rak ngăn mâu troăng prôk, pêt reăng, pêi mâu hnoăng cheăng ki ai tơdjâk troh thôn pơlê nếo. A mâu troăng prôk sap ing cheăm troh thôn pơlê mê troăng ki lâi xuân hlo to reăng’’.

Mâu tơdroăng ki châ xing xoăng cheăng ai pơxúa, tơ-[rê, xua Đoân droh rơtăm cheăm Hòa Xuân pêi pro tung pơla hdrối kố nah hiăng kum rak vế tơnêi tíu, pro krúa le\m tơnêi tíu thôn pơlê. Ing mê, mơhno tối tuăn hiâm tơru\m, mơdêk ki hlê ple\ng, hnoăng cheăng, pêi pro, môi tuăn khât dêi đoân viên, droh rơtăm [ă kuăn pơlê, veăng kum kal khât tung tơdroăng tơdjuôm ivá mơjiâng thôn pơlê nếo a cheăm, pơlê.

Nam Trang chêh

Katarina Nga tơplôu [ă tơbleăng