VOV4.Sêdang -  Khu xiâm kăn sát ngăn troăng prôk, tung 4 hâi pơtê leh Mơjiâng Tơnêi têa lơ (2/9) mâu kăn sát gak troăng prôk tung lâp tơnêi têa hiăng pơxâu vâ chê 11 rơpâu ngế pro xôi prôk drô troăng. Tung mê ai 244 ngế ai têa drôu tung châ. Tung 4 hâi pơtê leh lơ 2/9, lâp tơnêi têa hiăng ai 57 rôh tơklâm rơxế pro hlâ 24 ngế, tro rong 39 ngế. Klêi séa ngăn, pơxâu phâk mâu ki xôi, kăn sát ngăn troăng prôk tung lâp tơnêi têa hiăng séa ngăn pơxâu phâk vâ chê 11 rơpâu ngế pro xôi luât; pơxâu phâk liăn châ lối 7,4 rơtal liăn.

Tung la ngiâ, mâu kăn sát gak troăng prôk pơtối mơdêk tơrŭm, séa ngăn tí tăng ‘nâi plĕng pơkâ dêi kơvâ ‘na troăng rơxế lơtreng. Séa ngăn kơtăng ôh tá ăm kuăn pơlê tơdúa ing rơxế lo troh a kơpong ai pơreăng vâ vêh dêi a pơlê lơ pro ôh tá tơniăn drô troăng prôk. Pakĭng mê, pro tơ’lêi hlâu ăm mâu rơxế ki tơniăn lĕm châ chơ tơmeăm, vâ tơniăn chơ tơmeăm tê mơdró.

Gương tơplôu ƀă tơbleăng