VOV4.Sêdang - Hâi lơ 16/9, a Hà Nội, Khu kăn hnê ngăn Vi ƀan Măt trâ̆n Tơnêi têa Việt Nam tơkŭm po tơdroăng ki pơtối rôh mơhnhôk “Tâi tâng kuăn pơlê tơrŭm, mơ’no ivá hbrâ mơdât pơreăng COVID-19”. Khu kăn hnê ngăn Vi ƀan xiâm Măt trâ̆n Tơnêi têa Việt Nam krếo thế tâi tâng kăn ƀô̆, kong chưk, viên chưk, mâu ngế pêi cheăng, mâu lêng kring vế; mâu khu mơdró kâ krê, khu mơdró kâ a kong têa ê; mâu khu tơrŭm ‘na tơdroăng loi tĭng tiô khôp; mâu rơxông kuăn pơlê ƀă hên ki ê mơdêk hiâm mơno tơrŭm hdroâng kuăn ngo, tŏng kum liăn ngân, kế tơmeăm xúa tung khăm pơlât, kế kâ ƀă hên ki ê ăm hnoăng cheăng hbrâ mơdât pơreăng.

Kăn xiâm hnê ngăn Măt trâ̆n Tơnêi têa Việt Nam krếo thế veăng tŏng kum hbrâ mơdât pơreăng Covid-19

A leh tơbleăng, hiăng châ xo tơdroăng ki tŏng kum ƀă chêh inâi kum dêi lối 30 khu tơrŭm, mâu khu mơdró kâ, mâu ngế krê ƀă tâi tâng kơxô̆ liăn mâ ƀă kế tơmeăm kơnâ lối 290 rơtal liăn.

Katarina Nga tơplôu ƀă tơbleăng