Tung 2 hơnăm achê kố, kuăn pơlê a mâu chea\m ối tung tơring Đức Trọng, kong pơlê Lâm Đồng hiăng ko tah kơphế hiăng krâ, báu môi rơnó hơ’leh pêt kơchâi drêh, yâu tằm. Ki nhên môi tiah cheăm Tà Năng, Dà Loan, Tân Thành, Tân Hội, Phú Hội, Bình Thạnh [a\ pơlê kân Liên Nghĩa [a\ hía hé hiăng hơ’lêh châ tơ-[rê. Tâi tâng [a\ng deăng kơphế tro ko tah hơ’leh pêt mâu loăng plâi ki ê tung hơnăm 2020 vâ chê 720 ha [a\ hơ’leh băng deăng báu pêi 1 rơnó cho 160 ha.

Kơpong vâi krâ hdroâng kuăn ngo a cheăm Tà Năng, tơring Đức Trọng dế pro hơ’leh tuăn tơmiât tung hơ’leh pêt mâu tơmeăm ki kơnâ liăn. Cho môi tung mâu ngế nếo pêi pêt tơmeăm khoăng tiô troăng ki nếo, laga bu kơ’nâi 3 hơnăm hơ’leh 5 sao báu klâng mê pêt hăng Xuăn [a\ tro\ng prâp, ngoh Lý Văn Nghiêm (thôn Tà Sơn) hiăng re\ng kum tơdroăng cheăng kâ rơpo\ng hluăn ing kơtiê pá puât. Ngoh Nghiêm tối: ‘’Ahdrối hơ’lêh pêt prá alâi, tơdroăng rêh ối rơpo\ng ngoh bu kơnôm to lâi sao kơphế hiăng krâ [a\ báu klâng.

Vâi krâ hdroâng kuăn ngo a Đức Trọng – Lâm Đồng hơ’leh hdrê pêt

Sap ing hâi hơ’leh pêt loăng plâi, tơdroăng rêh ối hiăng tơniăn tâ. Tâng pêi to tiô troăng ton mê kô ôh tá la lâi xông tơtêk. Nôkố pin rế pơtối hriâm kih thuât; tơdrêng amê, veăng mâu lâm hnê pêi chiâk deăng tơring tơku\m po vâ pêi tiô tung pêt tơmeăm khoăng, tơdroăng rêh ối rế hía rế xông tơtêk’’.

Pôa Vy Thành Hoài Khương, ối a thôn Đà Rgiềng, cheăm Dà Loan, tơring Đức Trọng cho ngế hmâ [a\ tơdroăng pêt kơchâi drêh, plâi pôm akố sap ing mâu hâi apoăng mơjiâng Khu tơru\m pêt kơchâi drêh xúa kơmăi kơmok rơxông nếo Dà Rgiềng. Kơnôm veăng Khu tơru\m cheăng pêt kơchâi plâi pôm xúa kơmăi kơmok rơxông nếo dêi thôn, rơpo\ng châ Khu pơkuâ kuăn pơlê pêi chiâk deăng to\ng kum mơ’no liăn mơjiâng pro kơmăi ki chiâng tôh xêh; tơdrêng amê, to\ng kum liăn hiăng kum rơpo\ng ai liăn pêt kơchâi drêh pro châ pơxúa ăm tơdroăng cheăng kâ.

Pơla kố nah, rơpo\ng ngoh Khương nếo krí dêi 6 sao plâi tô mat, kố cho rơnó pêi lo châ hên dêi rơpo\ng. Ngoh Khương phiu ro tối ăm ‘nâi, rơpo\ng ai 6 sao tơnêi klâng pêi môi rơnó, ngoh hơ’lêh pêt prá kơxái ki hếo klêi mê pêt plâi tô mat. Pơla kố nah, drêng krí xo, rêm sao châ dâng 2 ta#n, kơxo# liăn mơ’no châ dâng 30% kơxo# liăn ki châ, rêm ta#n plâi tô mat châ liăn rơkâ 10 rơtuh liăn. Châ tơ-[rê cheăng kâ hlo nhên xua mê ngoh pơkâ hơ’leh tơ’nôm 4 sao pêt pôm [ok.

Tung rơnó xeăng têa hơnăm 2020, a Đức Trọng, kong pơlê Lâm Đồng, mâu loăng plâi kơdroh ‘na [a\ng pêt báu, alâi, kơphế. Mâu loăng plâi tâk hên ‘na [a\ng deăng môi tiah pôm ló, prá, kơchâi, reăng, yâu tằm [a\ hía hé. Mâu loăng plâi dế xông tơtêk tiô tơdroăng tơkêa bro hơ’leh kơvâ pêi chiâk deăng dêi tơring.

Pôa Phạm Hồng Hải – Kăn pơkuâ [ơrô Pêi chiâk deăng [a\ mơnhông thôn pơlê Đức Trọng tối ăm ‘nâi: Tơdroăng hơ’lêh hdrê pêt tung [a\ng pêt báu, [a\ng kơphế hiăng krâ hiăng thăm mơnhông kơvâ pêi chiâk deăng dêi tơring mơnhông re\ng [a\ krá tơniăn, cho tơdroăng ki tơ’lêi hlâu vâ tơring mơnhông re\ng tơdroăng pêi chiâk deăng xúa kơmăi kơmok rơxông nếo.

Hơ’leh pêt mâu loăng plâi a kơpong vâi krâ hdroâng kuăn ngo dế tiô troăng dêi tơdroăng tơkêa bro hơ’leh kơvâ pêi chiâk deăng dêi tơring. Kơchâi drêh, reăng pơtối châ tơring mơhnhôk pêi tiô troăng xúa kơmăi kơmok rơxông nếo. Ing mê, kô hơ’leh [a\ng tơnêi pêi báu môi rơnó [a\ [a\ng kơphế hiăng krâ hơ’leh pêt mâu kơchâi drêh, reăng. Sap ing hơnăm 2008 troh nôkố, kơvâ pêi chiâk deăng Đức Trọng, kong pơlê Lâm Đồng hiăng pêi pro hơ’leh châ lối 2 rơpâu ha tơnêi báu môi rơnó/hơnăm vêh pêt kơchâi drêh, reăng xúa kơmăi kơmok rơxông nếo, kum pro [a\ng deăng pêt kơchâi drêh, reăng tiô troăng xúa kơmăi kơmok rơxông nếo dêi tơring tâk lối 10.680 ha (tung mê ai lối 400 ha hngêi hlâm, hngêi nhe\ng; 10.240 ha xúa kơmăi kơmok ki chiâng tôh xêh [a\ hía hé).

Tâi tâng [a\ng deăng pêt kơchâi drêh, reăng xúa kơmăi kơmok rơxông nếo dêi Đức Trọng, kong pơlê Lâm Đồng tơku\m a mâu cheăm Hiệp An, Hiệp Thạnh, Liên Hiệp [a\ hía hé [a\ pơlê kân Liên Nghĩa. Pêt tơmeăm rêm hơnăm hiăng châ 280 rơtuh liăn/ha. Hên [a\ng deăng pêt báu 1 rơnó hơ’lêh kơchâi drêh, reăng tiô troăng xúa kơmăi kơmok rơxông nếo ăm pêi lo liăn rêm hơnăm lối 500 rơtuh liăn troh 1 rơtal liăn/ha.

Ing mê, kum mơdêk pêi lo liăn tung pêi cheăng, mơdêk tơmeăm dâi le\m [a\ ivá tơbriât cheăng dêi tơmeăm, mơdêk ki châ tơ-[rê cheăng kâ tung môi [a\ng deăng; pro tơ’lêi hlâu vâ chiâng tơdroăng pêi chiâk deăng pêi lo tơmeăm tơtro [a\ tơdroăng kal vâ dêi kơchơ tê mơdró; mơhnhôk tung tơdroăng mơnhông cheăng kâ thôn pơlê [a\ kum mơjiâng thôn pơlê nếo.

            Hlá tơbeăng Lâm Đồng.

            A Sa Ly tơplôu [a\ tơbleăng