Drêng tâng tối pôa Lê Khả Phiêu, Kăn xiâm pơkuâ hnê ngăn Đảng hiăng hlâ, pôa Trần Văn Thu ối chôu pâ tung tuăn, kơtăn kố 21 hơnăm, rơchôa Hòa Duân tro têa lân lu kân ó mơhiu tâi, 64 toăng hngêi dêi kuăn pơlê a thôn Hải Thành, pơlê krân Thuận An tro têa mơhiu troh a têa kơx^, bú tung môi măng 1 ngế kuăn pơlê hlâ. Tung rôh kong mêi kân têa lân lu ki rơ-iô ó mê, rơpo\ng hngêi pôa hlâ 12 ngế. Trâm pá ó xua roh têa lân lu kân hơnăm 1999, pơlê Rồng châ mơjiâng ing tơdroăng hnê mơhno, vea\ng kum dêi pôa Lê Khả Phiêu, kăn xiâm pơkuâ hnê ngăn Đảng.

Inâi Rồng, vâi tối  inâi Prếo, cho xua Kăn xiâm pơkuâ hnê ngăn Đảng pơxá xua pơlê châ mơjiâng a hơnăm Canh Thìn 2000. Kăn xiâm pơkuâ hnê ngăn Đảng xuân pơtroh rơkong pơchân tối loi khât, púi vâ kuăn pơlê a pơlê kố kâi tơkâ luâ xahpá khéa kho, mơjiâng tơdroăng rêh ối nếo. Pôa Trần Văn Thu ăm ‘nâi, drêng tâng tối pôa Lê Khả Phiêu hlâ, kuăn pơlê a pơlê Rồng mơjo pâ pá kâi tối:

‘’Têa lân lu hơnăm 1999 rơpo\ng a 12 ngế hlâ. Xuân ai pôa tơmâng to\ng kum ăm pro hngêi vâ ai tíu xôi tơbâ kơ mâu ki hlâ. Pôa hiăng hlâ mơjo pâ khât ‘nâng. Tung tuăn mơno á đi đo pâ khât kơ pôa Phiêu, mê pôa hlâ khéa mơjo khât’’.

Pơlê Rồng a pơlê kân Thuận An, tơring Phú Vang, kong pơlê Thừa Thiên Huế

Ai mâ a pơlê Rồng, klêi kơ’nâi têa lân lu. Pôa Lê Khả Phiêu hiăng tối thế khu xiâm pơkuâ ngăn lêng: ‘’Têt kô ah, kuăn pơlê thế ai hngêi ối ‘’. Thế meăn pro môi to tơneăn ki kân vâ chêh inâi mâu ki hlâ a tíu trâm xía vâ, vâ tơ’lêi tơbâ kơ mâu ki hlâ hía. Tơdroăng kố pơcháu ăm mâu lêng tâi tâng’’. Klêi mê, Kuân khu 4 xo pêi hnoăng cheăng pơtối mơjiâng pro pơlê Rồng. Pôa Hoàng Văn Toàn tối tiah kố, kuăn pơlê a pơlê Rồng đi đo chôu pâ tung hiâm tuăn tơdroăng pêi pro ki le\m tro dêi pôa Lê Khả Phiêu hiăng pro ăm kuăn pơlê mơnê nhoa#m:

‘’Kuăn pơlê dêi 64 rơpo\ng a pơlê Rồng kố rơrêk tung hiâm mơno, mơjo pâ khât ‘nâng, pôa hiăng hlâ. Pôa hlối cho Kăn xiâm pơkuâ hnê ngăn. Rêm hơnăm, pôa tơmâng khât troh kuăn pơlê ‘na tơdroăng cheăng pêi, tung pơla mê kuăn pơlê tro khía mơhot têa lân lu. Ngin ôh tá ‘nâi tơpui ki klâi tâ, hên ngế kuăn pơlê xuân lo têa mâ. Ing mê, kuăn pơlê ngin xuân dế tơpui tơno [ă dêi rơpó, kô pro môi tíu vâ koh tơbâ kơ pôa, hlối vâ chôu nhang tơbâ troh mâu mêh miê,  s^ng khéa kơ pôa’’.

Kuăn pơlê a pơlê Rồng s^ng khéa drêng tâng tối pôa Lê Khả Phiêu hlâ

Pơlê Rồng nôkố cho a tôh kơpho# An Hải, ai 64 rơpo\ng. 276 pơ’leăng mâ mơngế, tung mê ai 11 toăng hngêi 2 râ. Tâi tâng to kuăn pơlê cheăng kơnôm ing tơdroăng păn [ă tơnăng ká xi xo\ng pêi cheăng kâ châ xo tơ’mot liăn tơniăn. Um méa pôa Lê Khả Phiêu tung hiâm mơno kuăn pơlê a kố cho tơdroăng ki le\m ‘na kuăn mơngế ki têm rơpiât, ‘nâi hơ-ui pâ kơ kuăn pơlê.  Pôa Ngô Văn Đủ, Kăn pho\ hnê ngăn pơlê kân Thuận An, tơring Phú Vang, kong pơlê Thừa Thiên Huế ăm ‘nâi: Ing rôh pơxiâm mơjiâng pro pơlê Rồng troh nôkố hiăng hên hdrôh pôa Lê Khả Phiêu mot pôu ngăn pơlê, hơnăm ki lâi tâng pôa troh pôa xuân lăm pôu hbru tơmeăm ăm kuăn pơlê:

‘’Pôa hlâ kuăn pơlê pâ mơnjo. Nôkố, kuăn pơlê dế tơkôm veăng leh ‘mế tiô pơkâ dêi Khu xiâm tơnêi têa vâ kuăn pơlê tơku\m veăng pêi pro. Púi vâ dêi kuăn pơlê ai môi tíu ‘mế pôa a pơlê Rồng, xua to a hngêi kuăn pơlê tơku\m hôp mê cho roh nah pôa ki thế mơjiâng pro ăm pơlê Rồng, mê kuăn pơlê xuân vâ pro môi tíu ‘măn um pôa vâ tơ’lêi ăm kuăn pơlê Rồng troh tơbâ kơ pôa tung mâu lâi leh ‘mế’’.

Lê Hiếu – CTV VOV Miền Trung

Gương tơplôu [ă tơbleăng