VOV4.Sêdang - Vi [an tơpui kâ [a\ kong têa ê dêi Kuo#k ho#i hiăng ai roh pêi cheăng [a\ Vi [an kong pơlê Dak Lak ‘na pêi pro mâu tơdroăng môi tuăn tơru\m cheăng pơla pái kong têa Kul – Lếo – Việt Nam tung kơpong pái kong têa mơnhông tơtêk Kul – Lếo – Việt Nam.

Tung pơla kố nah, kong pơlê Dak Lak [a\ mâu kong pơlê ối tung kong têa Kul [a\ mâu kong pơlê peăng hdroh Lếo hiăng pro hên hlá mơ-éa chôu vế ai pơxúa ‘na cheăng kâ, kal kí trâu hơngế, pro tơ’lêi hlâu vâ tăng châ tơ-[rê ki mơnhông tơtêk dêi péa pâ.

Dak Lak hiăng to\ng kum khu lêng Kul mơjiâng hngêi tơdah tơmối dêi đông lêng kong pơlê Mondulkiri; to\ng kum tâp trăng hnhâng troăng kơxái on tơhrik ăm 3 to đông dêi kong pơlê Mondulkiri, mơjiâng hngêi pơkeăng cheăm, kơbong hriâm [a\ hên kế tơmeăm khoăng kum tung tơdroăng rêh ối ăm kong têa pú hmâ.

Dế nôkố tơdroăng tơkêa bro dêi kong pơlê Dak Lak dế châ po rơdâ pêi pro a mâu kong pơlê dêi Kul, Lếo [a\ tâi tâng kơxo# liăn mơ’no lối 200 rơtuh dollars.

Pak^ng mê, mâu kơvâ mơnhông mơdêk pêt rak ngăn kong, xăm kơklêa kơdroh kơtiê, khôi túa le\m tro pơlê pơla cheăng lêng, gak ngăn, tơdroăng tâp tơneăn hdró tíu tơkăng kong, tơru\m tơplâ mơdât mâu ngế xôi; tơru\m pơkuâ séa ngăn drô tíu tơkăng kong; pơtâng tối, mơhnhôk kuăn pơlê péa tơnêi têa pơrá châ po rơdâ tơdâng tơ’mô, châ tơ-[rê hên.

A Sa Ly tơplôu [ă tơbleăng