VOV4.Sêdang - Kơxo lơ 1/10, a rôh hôp mơ’no tiô troăng hyôh Internet, séa ngăn Tối tơbleăng dêi Chin phuh ‘na tơdroăng rak ngăn ƀă xúa Liăn ƀaoh hiêm khăm pơlât hơnăm 2020; ‘na pêi tiô pơkâ 68 dêi Kuô̆k hô̆i hneăng 13 ‘na mơdêk tơdroăng pêi pro tiô pơkâ dêi luât ƀaoh hiêm khăm pơlât, troh ƀaoh hiêm khăm pơlât tâi tâng kuăn pơlê, Vi ƀan ngăn ‘na pơlê pơla dêi Kuô̆k hô̆i thế ƀaoh hiêm pơlê pơla Việt Nam mơnhên tơdroăng ối lối 10 rơpâu 150 rơtal  kơ koan ƀaoh hiêm pơlê pơla dế ối chĕn, hâi ăm liăn tung hơnăm 2020.

Vi ƀan pơlê pơla pâ thế Chin phuh rĕng pơtroh ăm Kuô̆k hô̆i tơdroăng tơkêa pro luât ƀaoh hiêm khăm pơlât (‘mâi hơ’lêh) vâ ai tiô pơkâ mơdêk ivá kuăn pơlê, hlối tơmâng ‘mâi hơ’lêh mâu tơdroăng ‘na Ƀaoh hiêm khăm pơlât ki tơdjâk tung pơla ‘mâi hơ’lêh Luât khăm pơlât. 

A rôh hop, Vi ƀan pơlê pơla xuân thế Khu xiâm ngăn pơkeăng pơlât séa ngăn kơmăi chêh mâu tơdroăng luât ‘na ƀaoh hiêm khăm pơlât. khăm  pơlât vâ ‘mâi hơ’lêh tiô hnoăng pơkâ vâ kơdroh xơpá, tơvâ tơvân nôkố; pâ thế ‘mâi hơ’lêh tơtro vâ tơniăn ăm hnoăng ki tơtro ăm mâu ngế veăng rôe ƀaoh hiêm khăm pơlât, Tíu khăm pơlât ƀă pro tơdâng liăn ƀaoh hiêm khăm pơlât.

Gương tơplôu ƀă tơbleăng