VOV4.Sêdang - Tối tơbleăng hâi pơ xiâm po hneăng hôp má 4 Vi ƀan pơkuâ cheăng Kuô̆k hô̆i a kơxo lơ 11/10, pôa Vương Đình Huệ, Kăn xiâm hnê ngăn Kuô̆k hô̆i tối nhên mâu tơdroăng kal châ hnê tối a rôh hôp. Tơxâng tơmâng, a rôh hôp mê, Vi ƀan pơkuâ cheăng Kuô̆k hô̆i xuân ăm hnê tối ‘na pơkâ ‘mâi mơnhông cheăng kâ pơla hơnăm 2021-2025; pơkâ xúa tơnêi tơnêi têa pơla hơnăm 2021-2030, hvái ngăn pêi pro troh hơnăm 2050 ƀă pơkâ xúa tơnêi 5 hơnăm 2021-2025.

Pơxiâm po hneăng hôp má 4 dêi Vi ƀan pơkuâ cheăng Kuô̆k hô̆i

Hneăng hôp xuân hnê tối ‘na tơdroăng hbrâ rôh hôp má 3, tung mê ai tơdroăng  tối mâu tơdroăng pơ’lêh nếo, ‘mâi hơ’lêh xúa a rôh hôp má 2, ƀă tơdroăng tơkŭm po tơdroăng kơ-êng tiâ a rôh hôp. Tung tối tơbleăng tơkŭm tâi tâng, pâ thế dêi kuăn pơlê ƀă kuăn pơlê pơtroh ăm rôh hôp má péa, kuăn pơlê púi vâ pêi pro tro ngăn nhên a tơdroăng ki ai khât, hriâm tơdroăng ki tro ƀă mâu tơdroăng hnê mơhno ki hâi tro nhên ƀă tơdroăng ki ai khât, hâi vâ môi tuăn, mâu tơdroăng ối tơvâ tơvân, hrá, oh tá hlê. Púi vâ Chin phuh, mâu kong pơlê pro tơ’lêi hlâu tung mơdró tơmeăm, chơ kế tơmeăm ki kố ki mê, tơmeăm ki mơjiâng hngêi trăng, tơmeăm khoăng, tơmeăm ki vâ xúa vâ tơniăn pơtối rak vế ki mơjiâng pro, tê mơdró.

Gương tơplôu ƀă tơbleăng