VOV4.Sêdang - Pơtối tơdroăng hôp roh má 3, kơxo lơ 14/9, veăng hnê tối tơbleăng tơdroăng cheăng pêi hơnăm 2021 ƀă pơkâ séa ngăn riân liăn hơnăm 2021 dêi Khu xiâm Séa ngăn riân liăn Tơnêi têa, Vi ƀan Pơkuâ cheăng Kuô̆k hô̆i pâ thế séa ngăn liăn Tơnêi têa tơkŭm séa ngăn tơdroăng mơhnhôk tăng liăn, xing xoăng ăm liăn ƀă xúa liăn tung pêi mâu tơdroăng hbrâ mơdât pơreăng COVID-19.

A hneăng hôp, pôa Vương Đình Huệ, Kăn xiâm hnê ngăn Kuô̆k hô̆i pâ thế tơbleăng, tối tơdrăng tung tơdroăng riân liăn pơkâ ngăn kơtăng pơxâu tro tiô luât  ngế ki lâi pro xôi ‘na liăn ngân. ‘Na pơkâ séa ngăn liăn hơnăm 2022, Kăn xiâm hnê ngăn Kuô̆k hô̆i pâ thế ki xiâm tơdroăng pơkâ tơchoâm xuân  thế mơdêk ‘mâi mơnhông cheăng kâ kân tâk má môi,  thế rak tơniăn tro tiô luât pơkâ ‘na liăn ngân, tơniăn krá ton dêi tơdroăng ối chĕn ki hâi kâi tơvêh tung mâu tơdroăng mung liăn; tơkŭm mơnhên tâi kơlo, khu tơrŭm cheăng,  ki tơ-ƀrê dêi tơdroăng mung liăn, malối cho kơxô̆ liăn vâ ‘mâi pơ’lêh liăn khế.

Gương tơplôu ƀă tơbleăng