VOV4.Sêdang - Pơtối hôp roh má 4, kơxo lơ 12/10, Vi ƀan pơkuâ cheăng Kuô̆k hô̆i hôp pơkí, ăm veăng hnê tối mâu tơdroăng tơbleăng dêi Chin phuh ‘na tơdroăng pêi pro tiô pơkâ mơnhông cheăng kâ-rêh ối ƀă liăn ngân tơnêi têa hơnăm 2021, pơkâ mơnhông cheăng kâ -  rêh ối hơnăm 2022; tiô tơdroăng tối hdrối liăn ngăn tơnêi têa ƀă troăng rơhlâ  xĭng xoăng liăn ngân xiâm tơnêi têa hơnăm 2022.

Môi hneăng hôp Vi ƀan pơkuâ cheăng Kuô̆k hô̆i

Pơkâ tâi tâng ƀă tơdroăng chêh tung hlá mơ-éa ai pơkâ ’mâi mơnhông cheăng kâ pơla hơnăm 2021-2025 pro pơ’lêh nhên tung túa ki tâk tiô troăng ngăn a ki mơdêk pêi lo tơmeăm, tơmeăm pêi lĕm, châ tơbriât tê. Hlối mơdêk ki tơƀrê xua mơngế cheăng, ‘nâi hriăn tơmiêt pêi lo ƀă ‘nâi hbrâ rơnáu ‘na tơdroăng cheăng kâ; chôa pêi pro tiô troăng rơhlâ cheăng kâ ngăn a khoa hok kơmăi kơmok, pơ’lêh nếo, rak tơniăn mơnhông tơ-ƀrê ƀă krá ton xŏn. Tơdrêng amê, ‘mâi mơnhông tơdroăng cheăng kâ kân, pro tơdroăng pơkâ ƀă luât pơ’lêh tơ-ƀrê vâ hbrâ ví ing mâu  tơdroăng ki tơdjâk pá gong.

Gương tơplôu ƀă tơbleăng