VOV4.Sêdang - Kơxo lơ 3/9, a tíu pêi cheăng Chin phuh, pôa Vũ Đức Đam, Ngế pro xiâm pho\ hnê ngăn tơnêi têa, Kăn xiâm hnê mơhno cheăng tơnêi têa pơkuâ po rôh hôp pơla khu hnê mơhno cheăng tơnêi têa hbrâ mơdât pơreăng Covid-19 [ă mâu tíu pêi cheăng, khu mơdró kâ. Nôkố, tơnêi têa pin hiăng ai 3 tíu pêi cheăng cho Ko\ng ti Medicon, Ko\ng ti tơlo liăn Kong nge# Việt Á [ă Ko\ng ti tơlo liăn Sao Thái Dương dế tung pơla hriăn ngăn test re\ng kâi trâng.

Mơgêi a rôh hôp, pôa Vũ Đức Đam, Ngế pro xiâm pho\ hnê ngăn tơnêi têa pơkâ thế Khu xiâm ngăn pơkeăng [ă khăm pơlât mơjiâng 1 tơdroăng cheăng ki nếo tung la ngiâ ‘na séa ngăn pơtroh ă Khu hnê mơhno cheăng tơnêi têa; pơtối po rơdâ hriăn ngăn, mơjiâng pro mâu túa pơkeăng [ă kih thuât séa ngăn ki nếo hiăng ai tung lâp plâi tơnêi, tung mê, to\ng kum mâu tíu mơdró kâ tung tơnêi têa re\ng pêi klêi tơdroăng ki hriăn ngăn vâ mơjiâng pro châ test re\ng ki kâi hbrâ mơdât pơreăng.

Nga tơplôu [a\ tơbleăng