VOV4.Sêdang - Hâi lơ 14/9, Khu xiâm pơkuâ hnê arak liăn kong têa Kul tối ăm ‘nâi Pơkâ pơcháu mơngế tro tơpôu xôi kroăng phak pơla kong têa Kul [a\ Việt Nam kô xêt khât sap hâi lơ 1/10, ăm phêp mâu ngế ki tro tơpôu xôi chiâng pôu râng tơdroăng xôi a pơlê xiâm tơná. Mơnhên ‘na tơdroăng kố, pôa Kim Santepheap, Kăn xiâm pơkuâ ‘na hnê arak luât kong têa Kul tối ăm ‘nâi, péa kong têa Kul [a\ Việt Nam kô châ pơxúa ing tơdroăng pơkâ kố.

Xông tơpui a ngiâ khu chêh hlá tơbeăng, pôa Vũ Quang Minh, Kăn teăng mâ Việt Nam a kong têa Kul mơnhên tơdroăng pơkâ kố cho môi tuăn tiô troăng ki le\m, mơnhên tơdroăng ki loi tơngah dêi pó [a\ tơru\m krá tơniăn pơla mâu kơ koan hnê arak luât péa tơnêi têa. Pôa Vũ Quang Minh pói tơngah péa tơnêi têa kô ai mâu tơdroăng kơdo mơ-eăm vâ châ hlo [a\ mơdât mâu ngế pro xôi tơkâ luâ lâp plâi tơnêi, tung mê ai mơngế tê mơdró mơngế, pâk chik ma tu\i [a\ tê mơdró liu, kơdroh mơngế pro xôi tu\m a péa tơnêi têa.

A Sa Ly tơplôu [a\ tơbleăng