VOV4.Xơ Đăng - Tung rôh hôp tơbleăng tiah hmâ po a kơxê lơ 9/12, Ngế cheăng tơpui kâ Khu xiâm tơpui kâ Việt Nam Lê Thị Thu Hằng ăm ‘nâi, Rôh hôp Khu xiâm tơpui kâ ASEAN ƀă khu mâu kong têa mơnhông mơdêk G7 kô po a măng tĭng la ngiâ. Pôa Bùi Thanh Sơn, ngế xiâm tơpui kâ kô veăng hôp ƀă ai ƀai pơchuât ‘no tơdrêng ing troăng hyôh Internet.

Rơtế amê, Việt Nam dế tơpui tơno ƀă mâu kong têa ASEAN ki ê ‘na pơkâ mơ’no dêi pôa Joe Biden, kăn xiâm pơkuâ kong têa Mih rơhêng vâ tơkŭm po môi rôh hôp kân ƀă mâu kăn pơkuâ ASEAN. Việt Nam xuân tối môi tuăn ƀă hnoăng cheăng kăn xiâm hnê ngăn ASEAN dêi Kul a hơnăm 2022.

Nga tơplôu ƀă tơbleăng