VOV4.Sêdang -  Rôh hôp khoa hok pơxá inâi “100 hơnăm mơjiâng Đảng Kŏng san Sinuâ – Tơpui tơno ‘na ki rơkê plĕng tung mơjiâng Đảng ƀă pơkuâ mơnhông tơnêi têa pơla Đảng Kŏng san Việt Nam ƀă Đảng Kŏng san Sinuâ” nếo po tiô tơdroăng ki ‘no tơdrêng ing um tơvi ƀă ing troăng hyôh internet ƀă 10 to tíu a Việt Nam ƀă Sinuâ.

Pôa Nguyễn Xuân Thắng, ngế cheăng tung tíu xiâm kal kí, kăn pơkuâ Học viện Chính trị Quốc gia Hồ Chí Minh, kăn hnê ngăn Hô̆i đong lĭluăn Tơnêi têa

Teăng mâ Đảng Kŏng san Sinuâ, pôa Trần Hy, Ngế cheăng tung Khu xiâm pơkuâ tơdroăng kal kí, kăn pơkuâ ngăn Đảng, kăn xiâm Khu tơrŭm Tơnêi têa, Kăn pơkuâ hngêi trung Đảng Trung ương Đảng Kŏng san Sinuâ tối nhên tơdroăng ki kân kĭn ƀă ki rơkê plĕng klêi kơ’nâi 100 hơnăm mơjiâng ƀă mơnhông Đảng Kŏng san  Sinuâ. Teăng mâ Đảng Kŏng san Việt Nam, pôa Nguyễn Xuân Thắng, ngế cheăng tung tíu xiâm kal kí, kăn pơkuâ Học viện Chính trị Quốc gia Hồ Chí Minh, kăn hnê ngăn Hô̆i đong lĭ luăn Tơnêi têa tối nhên: Việt Nam mơeăm tung tơdroaeng pơkâ tơniăn krê ƀă chuh nghiah xah hô̆i.

Đảng Kŏng san Việt Nam đi đo ôh tá la lâi pơtê rơkê plĕng, pro trâu hngế tâ mâu tơdroăng pơkâ mơhnhôk, túa pơkâ mơjiâng ƀă pêi klêi tâ nếo mâu tơdroăng pơkâ chuh nghiah xah hô̆i dêi Việt Nam ƀă 3 tơdroăng ki xiâm: cho cheăng kâ kơchô troăng hơlâ xah hô̆i chuh nghiah’ tơnêi têa luât pơkuâ xah hô̆i ƀă tơdroăng ki tơniăn krê xah hô̆i chuh nghiah.

Katarina Nga tơplôu ƀă tơbleăng