VOV4.Sêdang - A tíu pêi cheăng Chin phuh, pôa Phạm Bình Minh, Ngế pro xiâm phŏ hnê ngăn tơnêi têa veăng hôp to mâu kăn xiâm tê mơdró ƀă ‘no liăn cheăng dêi ASEAN  pơxá (ASEAN BIS) 2021  ƀă tơdroăng pơxá: “Mơjiâng tung la ngiâ kih thuâ̆t xô̆ krá kak tung kơpong ASEAN” po tiô tơdroăng hôp mơ’no tơdrêng tiô troăng hyôh Internet. Tơbleăng a rôh hôp, pôa Phạm Bình Minh, Ngế pro xiâmphŏ hnê ngăn Chin phuh  tối nhên: Tơdroăng châ hơ’lêh pơkâ séa ngăn ƀă ‘mâi mơnhông cheăng kâ ôh tá xê kơnôm to a tơdroăng ki mơ-eăm,  mê veăng ai tơchoâm ivá dêi tâi tâng 10 to kong têa tung khu ASEAN xuana môi tiah vâi pú hmâ ki ê, ki tơrŭm ƀă. ASEAN xuân kal pơtối tơbleăng tơdroăng hriê̆n tơdroăng ki ê nếo ƀă ASEAN hiăng tơbleăng ƀă pái troăng rơhlâ: ‘mâi mơnhông, pơ’lêh xô̆ ƀă hriêt tơmiêt ki krá kak, xúa khoa hok kih thuâ̆t, kơmăi kơmok vâ mơnhông cheăng kâ nếo. Vâ pêi mâu tơdroăng pơkâ mê, Ngế pro xiâm phŏ hnê ngăn tơnêi têa tối ki kal dêi troăng rơhlâ  tung pêi pro tâi tâng dêi ASEAN  ‘na ‘mâi pơ’lêh cheăng ƀă kơmăi kơmok roh má 4 ƀă tơdroăng rĕng mơnhông hriê̆n plĕng mơdêk ivá rơdêi tung tơrŭm cheăng dêi ASEAN hbrâ ví mâu tơdroăng xía vâ xua kong prâi pro ôh tá tơniăn xua Brunei tơbleăng tung hơnăm kố.

Gương tơplôu ƀă tơbleăng