Tơdroăng tơpui nâl Rơđế cho nâl ki apoăng dêi Rơ’jíu xiâm Việt Nam a kơpong Tây Nguyên, tơkéa vâ tối ing tơdroăng chêh tối, tơplôu tơbleăng [ă tơpui pơchuât tung Rơ’jiú klêi kơ’nâi tơnêi têa châ tơleăng le\m. Vâ chê 20 hơnăm tơpui mơ’no tung Rơ’jíu, mâu tơdroăng ki tơpui mê hiăng kum ăm vâi krâ-nho\ng o châ hmâng, châ ‘nâi mâu tơdroăng nếo ai rêm hâi, châ hnê tối ‘na mâu túa rêh ối, pêi cheăng hnối veăng rak vế, chôu ‘măn mơhno túa le\m tro, nâl tơpui dêi hdroâng kuăn ngo Rơđế. Hiăng hmâ hmâng rơ’jíu tung to lâi chât hơnăm hdrối mê hía nah, nôu H’Lyn, ối a pơlê Ea Mâp, pơlê kân Ea Po#], tơring }ư\ Mgar, kong pơlê Dak Lak tối tiah kố:

‘’Á hâk phiu ‘nâng drêng châ hmâng rơkong tơpui nâl Rơđế tung Rơ’jíu Việt Nam. Tơná á xuân hâk vâ tơmâng khât ‘nâng xua ga ai pơxúa ăm tơdroăng rêh kâ ối ăm á [ă rơpo\ng hngêi, [ă mâu tơdroăng tơpui mê pơrá ai pơxúa kân khât ăm vâi krâ-nho\ng o, kum kuăn pơlê ‘nâi hlê tơdroăng pêi pêt, rak ngăn kơphế, kơxu, păn mơnăn mơnôa’’.

Ngế rah chêh K’Brọp lăm tí tăng êng tơdroăng a Lâm Đồng

Mâu hơnăm hdrối mê hía nah, tơdrêng [ă tơdroăng ki Rơ’jíu ‘măn kơmăi hrik ‘no hyôh rơ’jíu a kong pơlê Dak Lak, mê Rơ’jíu xiâm Việt Nam ối mơjiâng, krâ ‘măn hên tíu ki hrik ‘no hyôh rơ’jíu a mâu tơring tung kơpong Tây Nguyên, xua mê, mâu tơdroăng ki tơpui nâl kuăn ngo hiăng châ troh a kơpong hơngế hơngo. Tơdroăng ki krâ ‘măn kơmăi FM a pơlê kong kơdrâm Plei Ku xuân hiăng kum hên vâi krâ-nho\ng o Bơhnéa, Jarai a kong pơlê Gia Lai châ hmâng tơleăng mâu tơdroăng tơpui tung Rơ’jíu Việt Nam. Kơmăi FM ki hrik ‘no hyôh rơ’jíu a kong pơlê Kon Tum hiăng hrik ‘no mâu tơdroăng tơpui nâl Rơteăng [ă nâl Bơhnéa hiăng troh a pơlê cheăm ki ối kơpong hơngế hơngo.

Ngoh A Đâm, ối a thôn Long ‘Jo\n, cheăm Đăk Ang, tơring Ngọc Hồi, kong pơlê Kon Tum tối ăm ‘nâi:

‘’Á hâk vâ tơmâng khât mâu tơdroăng rơngê, ting ting, ayo\, ding duôt ki mơ’no tung Rơ’jíu Việt Nam, maluâ nguân hmâng mâu vâi krâ ayo\, rơngê, ting ting. Rơkong ayo\ dêi vâi krâ ki mơ’no tung Rơ’jíu mê hmâng rơ-eăng ro păng ‘nâng, hleăng le\m. Á hlo tiah dế nôkố, mâu tơdrá rơngêi, ting ting, rơkong pơto pơtih dêi vâi krâ Rơteăng mê hlo khu vâi o rơxông nếo nôkố ôh tá ‘nhó git hâk to lâi ôh. Xua ti mê, á pói rơhêng vâ mâu vâi ngoh ‘na ki chêh tối, tơplôu tơbleăng, tơpui pơchuât nâl Rơteăng dêi Rơ’jíu Việt Nam thăm athế ‘no hên tâ nếo mâu tơdroăng rơngê, ting ting vâ hnê mơhno ăm khu rơxông nếo châ hmâng, châ hlê ple\ng [ă ‘nâi rak vế [ă mơnhông ki le\m tro, khôi túa, vêa vong dêi hdroâng kuăn ngo tơná’’.

Ngế ki rah chêh Thị Đoắt lăm êng tơdroăng a Dak Nông

Tâng vâ ngăn [ă 5 nâl tơpui hdroâng kuăn ngo ki ê, mê vâi ngoh nâ ki cheăng tơplôu tơbleăng, tơpui pơchuât nâl M’nông cho ối nếo, kơ’nâi tâ, troh nôkố xuân hiăng châ klăng 14 hơnăm. Pôa Điểu N’Glơr ối a cheăm Dak Ndrung, tơring Dak Song, kong pơlê Dak Nông tối ăm ‘nâi: Kơnôm châ hmâng nâl M’nông tung Rơ’jíu Việt Nam, mê vâi krâ-nho\ng o châ hmâng mâu tơdrá hơdruê dêi rêm hdroâng kuăn ngo Việt Nam, tung mê ai tơdroăng hơdruê M’nông ga hên tơdroăng rơngê, ting ting pơrá phá dêi pó:

‘’Ing mâu tơdroăng tơpui nâl M’nông, vâi krâ-nho\ng o hiăng châ hlê ple\ng hên tơdroăng. Mâu tơdroăng pơkâ, troăng hơlâ dêi Đảng, troăng mơ’no, ‘na luât xiâm dêi Tơnêi têa troh a tơdroăng xúa khoa hok kih thuât vâ pơxúa ăm tơdroăng pêi cheăng kâ tung rơpo\ng hngêi. Kơnôm ing Rơ’jíu, khu rơxông nếo châ tơmâng [ă  ‘nâi ple\ng khôi túa, vêa vong, mơhno túa le\m tro dêi tơná vâ rak vế, châ hnê mơhno tối ăm tơdroăng rêh kâ ối chal nếo nôkố, á hlo tơ’ló [ă ai pơxúa khât. Tiô á vâ, kal athế mơ’no hên tâ nếo mâu tơdroăng hơdruê môi tiah tơdrá Têt Ta Wêu, êng tiâ dê pó ga ro ‘nâng’’.

Quốc Học rah chêh

Nhat Lisa tơplôu [ă tơbleăng