VOV4.Sêdang - Tíu xiâm séa ngăn pơreăng Tơnêi têa, cho Tíu xiâm séa ngăn mơdât pơreăng nếo pơkâ xing xoăng 8 rơtuh klŏng vaccine Vero Cell dêi kŏng ti Sinopham Sinuâ ăm 25 to kong pơlê, pơlê kong kân tung lâp tơnêi têa. Kố cho rôh xoăng ăm vaccine má 43 dêi Khu xiâm ngăn pơkeăng pơlât. Hà Nội cho kong pơlê châ xoăng ăm hên má môi ai 1 rơpâu 359 rơtuh klŏng tung tâi tâng 8 rơtuh klŏng vaccine Vero Cell, ối má 2 cho Quảng Ninh, lối 700.000 klŏng; Lạng Sơn, Hải Phòng, Yên Bái ƀă pơlê kong kân Hồ Chí Minh rêm kong pơlê châ xoăng ăm 500 rơpâu klŏng; Bắc Ninh 400 rơpâu klŏng; Khánh Hòa, Kiên Giang rêm tíu 300 rơpâu klŏng; mâu kong pơlê Bắc Giang, Nam Định, Thanh Hóa, Nghệ An, Quảng Trị, Bình Định, Long An, Đồng Tháp, Lâm Đồng, Tây Ninh... rêm kong pơlê 200 rơpâu klŏng .

Tíu xiâm séa ngăn pơreăng Tơnêi têa thế Ƀơrô ngăn 'na Tơdroăng pâk pơkeăng po rơdâ dêi tơnêi têa tơrŭm ƀă vâ pơtrroh mâu vaccine ăm Ƀơrô pâk po rơdâ tiô kơpong. Tíu xiâm Séa ngăn mơdât pơreăng mâu kong pơlê, pơlê kong kân tơkŭm pâk tơdrêng hlối kơxô̆ vaccine Vero Cell COVID-19 ki châ xoăng ăm mê tá rôh má 1 ƀă má 2.

Gương tơplôu ƀă tơbleăng