‘Măng hop akŏm pơgơ̆r lơ̆m 6 năr (đơ̆ng 3-6/6; đơ̆ng 9-10/6/2025) păng Anih chĕp kơ̆l pơgơ̆r Quốc hội ‘măn lơ jơnăr ăn tơdrong chih pơjing luơ̆t. Tơ̆ hop akŏm âu, Anih chĕp kơ̆l pơgơ̆r Quốc hội vă tơgop găh 4 tơdrong gĭt kăl.

‘Nŏh jĭ Luơ̆t hơmet ming, chih tơmât dơ̆ng 1,2 tơdrong kơ dôm luơ̆t găh khul linh, vei sơđơ̆ng teh đak; Tơdrong jang hơmet ming Anih vei lăng tơ̆ dêh char sơnăm 2025; set hơlen, drơ̆ng nơ̆r găh dôm tơdrong tơchơ̆t hơmet ming anih vei lăng tơ̆ xăh sơnăm 2025; Hla ar chih tơdrong Tơchơ̆t đơ̆ng Quốc hội găh hơmet ming dăh mă hŭt lê̆ dôm trong vei lăng jên hu, iŏk yoa gĭt kăl đơ̆ng dôm anih jang, anih vei lăng teh đak; hla ar chih tơdrong tơchơ̆t đơ̆ng Quốc hội găh jang pơlong năng 1,2 tơdrong tơgŭm gĭt kăl, mă loi ‘nŏh vă tơmât jên pơm trong gre treng. Tơdrong tơchơ̆t pơtho tơƀôh găh pơgơ̆r Khul tang măt Quốc hội, Jơnŭm pơgơ̆r kon pơlei rim jăl đơ̆ng 2021-2026 đơ̆ng rŏng kơ tơmât hơdai anih vei lăng.