Kiơ̆ kơ Anih jang Đảng dêh char Kon Tum, truh dang ei rim kơdră đảng, anih jang, tơring lơ̆m dêh char hlôi jang đang dôm tơdrong đei tơroi lơ̆m dôm Tơdrong Tơchơ̆t đơ̆ng Anih tơm Chĭnh trĭ, Ban Bí thư găh proh hơmet pơgơ̆r dơ̆ng anih bơ̆jang rim jăl; pơjing tơdrong jang pơgơ̆r khŭl kơdră chĕp kơ̆l tơring 2 tăl. Tơ̆ jơ tơƀơ̆p muh măt kơdră chĕp kơ̆l tơm dơnơm 40 xăh, phường ‘nao, Bí thư Anih jang Đảng dêh char Kon Tum Dương Văn Trang pơma hơdăh, tơdrong tơplih, klăih song hơnăp jang kang ƀô̆ pơm kơdră chĕp kơ̆l tơm dơnơm dôm xăh, phường ‘nao đei Khŭl kơdră chĕp kơ̆l Đảng dêh char rơih iŏk hơlen kiơ̆ lơ̆m dôm tơdrong hơgăt 1 trong tơpăt ‘lơ̆ng.

Tơdrong rơih iŏk kang ƀô̆ pơm kơdră chĕp kơ̆l tơm dơnơm kŭm yua kơ tơdrong hơgăt atŭm ăn tơdrong hơtŏk tơiung kơ xăh, phường. Bí thư Anih jang Đảng dêh char Kon Tum Dương Văn Trang ‘meh vă, dôm kơdră chĕp kơ̆l tơm dơnơm 40 xăh, phường kiơ̆ kơchư̆k đei pơjao chĕp kơ̆l, pơgơ̆r, vei lăng vă xăh, phường hơtŏk tơiung.