Kiơ̆ tơdrong tơchơ̆t, ƀok Trịnh Văn Quyết, Bí thư Trung ương Đảng, Kơdră vei lăng Anih jang Chĭnh trĭ Khŭl lĭnh đei hơtŏk grat đơ̆ng Thượng tướng tŏk Đại tướng. Dôm bơngai đei hơtŏk đơ̆ng Trung tướng tŏk Thượng tướng ‘noh đei dôm Phŏ kơdră tơm vei lăng Khŭl lĭnh: Nguyễn Hồng Thái, Nguyễn Văn Hiền, Nguyễn Trường Thắng; Phŏ Kơdră jang tơgŭm Nguyễn Quang Ngọc; păng dôm Phŏ kơdră tơm vei lăng Kŏng an Phạm Thế Tùng, Nguyễn Ngọc Lâm.

Kơdră teh đak hmach thơ thou, pơma hơdăh ‘nâu jĭ tơdrong chih iŏk đơ̆ng Đảng, teh đak păng kon pơlei hăm dôm tơdrong plang pơyơ̆r gơh hơgei lơ̆m tơdrong jang vei lăng Teh đak. Ƀok lui ngeh dôm si kuan hơnơ̆ng hơtŏk jơhngơ̆m đon, tơdrong jang, jang đang ‘lơ̆ng hơnăp jang, tơgăl hăm grat đei pơjao.