'Măng năm pơm jang đơ̆ng Kơdră Kuôk hô̆i Trần Thanh Mẫn păng Khul Kơpal teh đak bơ̆n hlôi đei jơnei 'lơ̆ng hơ-iă, đei jơnei tôm tơdrong păng hloh kơ dôm tơdrong tơchơ̆t tơlĕch, răk 'măn lơ tơdrong 'lơ̆ng hơdah hăm lơ tơdrong. Lơ̆m 'măng năm tơmang teh đak Senegal, Maroc, Kơdră Kuôk hô̆i hlôi pơma đam hăm đe kơdră kơpal kơ rim teh đak; năm akŏm Pơma đam hơtŏk jang hơdoi Việt Nam – Senegal; Pơma đam gah tơchơ̆t Hơtŏk jang hơdoi Việt Nam – Morocco. Hlôi đei 08 tơdrong tơchơ̆t hlôi đei kĭ pơkăp kơ 2 teh đak.

Mă kăl tơ̆ Thụy Sĩ, Kơdră Kuôk hô̆i hlôi năm akŏm Pơma đam “Ming man păng iŏk jang Anih jang jên hu apŭng plenh teh – tơgŭm ăn Việt Nam”. 'Măng năm tơmang đơ̆ng Kơdră Kuôk hô̆i  păng Khul Kơpal teh đak bơ̆n hlôi pơm hơtŏk tơdrong hlôh vao, lui ngeh gah chinh trĭ, mă kăl noh ah jăl kơdră kơpal, tơgop pơm hơtŏk keh kong hloh tơdrong jang hơdoi hăm dôm teh đak, mă kăl noh gah tơdrong jang kuôk hô̆i.